Duygu Cînîvîz

 

AMED - Hemverfeka KESKî ya Amedî Bahar Karataş reaksîyon hemverê projeyê îstîsmaro zayendî  da û va: "Çareserî perwerde û vurnayîşê zîhnîyetî yo."

 

Reaksîyonê hemverê 'Qanûnê îstîsmaro zayendî' her ke şinê zêde benê. Rêxistinê cinîyan dîyar kerdî ke no proje probleman çareser nêkeno û do problemê neweyan xo dir bîyaro. Hemverfeka KESKî ya Amedî Bahar Karataşe dîyar kerde ke bi piştdayîşê femînîst û rêxistinê cinîyan dir perwerde û hişmenkerdiş bêro averşîyayîş do problem çareser bikero.

 

Bahare da zanayîş ke dewlete sucê îstîsmaro zayendî û hêrişê zayendî de çareserîyêke mende nêarda û wina va: "No problem bi serran o esto. Bi averşîyayîşê teknolojî dir hêrişê zayendî, tacîz û hêrîşê zayendî zêde bî. Hemverê nê bi qîrnayîşê cinîyan dir hîsgirîyê komelî zêde bi. Dewlete zî hewl dana nê hîsgirî bifîno."

 

Bahare dewamê qiseykerdişê xo de arde ziwan ke komelê Tirkîya de kesê ke rastê îstîsmarî nêameyo çin o û bi nê sererastkerdişan hedefo esas zî vernîye zewacê domanan bêro akerdiş û sucdarê îstîsmarê zayendî bê ceza bimanê.