Dîlan Babat

 

COLEMÊRG - Cinîyê Geverî derheqê weçînayîşê 24ê Hezîrane de ewnîyayîşê xo ardî ziwan û dîyar kerdî ke ê senîn wayîr îradeyê xo yê hepisxaneyan vejyayê, do no weçînayîş de zî wayîrê îradeyê xo vejyê. Ma do no weçînayîş de cewabêke bi hêvî bidê."

 

Cinîyê Geverî reaksîyon mojnayî weçînayîşê 24ê Hezîrane de virazyo û vatî weçînayîş prosesêke feqîrî berz bîya virazêno.

 

Hemsereka DBPî ya Geverî Oznur Evîne derheqê babete de wina va: "Prosesêke feqîrî de fetisyayê şinê weçînayîş. Ma hemverê nê mat mendî. Ardişê weçînayîşê rew yeno manaya krîzê ekonomî binimnê. AKP û MHPî zanayne ke seba krîzê ekonomî do xeylê rayan vinî bikerê. No semed ra qerarê weçînayîşî girewtê. Merdiman zanayne do weçînayîş rew bo. La nêzanayne do hende rew bo. Ma nê prosesê referandum de zî dî. No weçînayîş prosesê OHALî de zî virazyo do reyna HDP bi weçînitoxanê xo cewab bido."

 

'Do bibo cewabêke pîl'

 

Oznure peynîye qiseykerdişê xo de arde ziwan ke do nê weçînayîşî dir bikoyê sîstemêke newe û bi metodêke wina de hewl danê sîstemêke newe awan bikerê û va do weçînayîşê 24ê Hezîrane bibê cewabêke pîl.

 

'Wazenê kaos bi weçînayîş bigîrê'

 

Gulçîn Karabudake zî bale ante serê qedexeyê zozanan û krîzê ekonomî û wina va: "Ez bi vaşê ke koyan ra kom kena pê debara xo kena. Ewro seba qedexeyan ez nêeşkena şîrî zozanan. Ma bi feqîrî dir rî bi rî yê. Verê weçînayîşan do vajê ma kar danê şima. La ma êdî sey verê nîyê. Ma hişyar bîyê. Weçînayîşê 24ê Hezîrane do seba ma heme şaran bibo hêvî. Ma do cewab bi hêvî bidê."

 

Gule Polate zî va do weçînayîşê 24ê hezîrane bi  rayberîya cinîyan bi hêvîyêke pîl derbaz bibo û va do bi ruhê 7ê Hezîrane do reyna qezenç bikerê.