Şehrîban Aslan

 

AMED - Platformê Rijnayişê Sûrî rê Nê, hemverê rijnayîşê Sûr û Heskîfî do sere de Kurdistan bi pêroyî de 20 welatî de çalakî bêrê kerdiş. Verfeka Platformî Buşra Cîzrelîogullari veng da heme kesê bi hîsgêr ke 28ê Nîsane de piştdayîş bidê înan.

 

Kurdistan de rijnayîş û talan dewam keno û Heskîf bi dînamîtan ame teqnayîş. Sûr de dimayê qedexeyê tebervejyayîşê kuçeyan rijnayîş dewam keno. Platformê Rijnayîşê Sûrê rê Nê do 28ê Nîsane de Amed û Êlih û bi pêroyî de 20 welatî de çalakî bikerê.

 

'Taxî ameyî talankerdiş'

 

Verfeka Platformî Buşra Cîzrelîogullari wina va: "Verê nê zî xora 6 taxê Sûrî ameyî talankerdiş. Dima ra taxê bîn zî ameyî rijnayîş. Verê prosesî bi sebebê vurnayîşê bajarwanî rijnayîş virazya. Hema hema pêroyî de taxê Alîpaşa û Lalebey zî sera 5 ameyî rijnayîş. Nika projeyê newe nê waran de dest pêkerdê."

 

'Sûr ra nêvejîyayî'

 

Buşra dewam de va ke problemê hemwelatîyan nêameyê çareserkerdiş û wina va: "Demêke taxe de rijnayîşêke aktîf estbi. Ma seba nê wextî mecbur bî taxe de bê. Semedo ke ma hemwelatîyan dir têkoşîn kerdêne. Prosesê bîn hemwelatî mecbur mendî vejyê. La zêde nêşî dûr. Sûr ra qût nêbî."

 

'Waştişê ma meşrû yo'

 

Buşra da zanayîş ke waştişê înan zaf meşrû yo û va çînkerdişê tarîx û bajarêke babeta vatişî yo û bi hewayêke cidî îhlalkerdişê heqan yenê cuwîyayîş û bi rojnamegeran dir şahidîyê nê prosesî kerdê. Buşra arde ziwan ke no semed ra heta têkoşîn qezenç bikerê do dewam bikerê.

 

'Do xeylê merkezan de çalakî virazyê'

 

Buşra derheqê planê 28ê Nîsane de zî zanayîş da û va: "Sere de Ewropa, Amerîka, Tirkîya û Kurdistan zî tede 20 welatî de ma çalakîyan plan kenê. Ma çalakîyê Amed, Wan, Mersîn, Dêrsim, Colemêrg û Êlihî rêxistin kenê. Di nuktayê ma sereyîn Heskîf û Sûr ê. Amed de saet 12.00 de verê Camîye Gird de îzahat bidê û ma do roje xo taxe de derbaz bikerê."