ENQERE - Parlamentera CHPî ya Eskîşehîrî Gaye Usluere weçînayîşê di aşmî dima yeno kerdiş şîrove kerde û va hêzê ke referandumê Nîsane de vatê ‘nê’ bîyê yew û va: "Ewro reyna seba demokrasî komê cîya ameyê têhet û eynî het ra xebityenê. Tîya ra tepya do hêvî tewr pîl bibo."

 

Parlamentera CHPî ya Eskîşehîrî Gaye Usluere weçînayîşê 24ê Hezîrane de virazyo şîrove kerde û veng da şaran ke wayîrê veng û îradeyê xo vejyê.

 

Gayeye ard ziwan ke prosesêke cîya de derbaz benê û binê OHALî de şinê weçînayîş û wina va: "îhlalkerdişî yenê normalkerdiş, azadî yenê astengkerdiş. Nê şertan de weçînayîşêke xoser mimkun nîyo. Çarçeweya demokrasî û azadîyan de çarçeweya no prosesî de newe awan bikerê gerek yewîya hêzî bêrê awankerdiş."

 

'Ezberê AKP û MHP xira bi'

 

Gayeye da zanayîş ke referandumê 16ê Nîsane de heme hêzê demorkatîk vatê ‘nê’ û wina va: "Ewro zî komê cîya newe ra seba demokrasî yenê têhet. Ma vînenê ke eynî wextî de bixebityê. CHPî ra 15 parlamenterî derbazê ÎYÎ Partî bî û no dir zî ÎYÎ Partî meclîsê kome awan kerdê û bi no hewa eşkenê şêrê meclîs. No hemle zî 'serkewtişê demokrasî yo' Ezberê AKP û MHPî xira bîyo."

 

Gayeye ard ziwan ke rejîmê yew camêrdî qebul nêkerdê dimayê hemparbîyayîşê înan bi ÎYÎ Partî dir rehetî cuwîyayê û merdiman ters serebin kerdo û tîya ra tepya hêvî do hîna zêde bibo. Gaye veng da heme kesan ke şêrê ser sindoqan û yê diyîn zî wayîrê sindoqan vejyê.