MÊRDÎN - Mêrdîn de cinîya bi nameyê E.Y. wextê ke şîne keyeyê xo rastê tacîzo zayendî amî. E.Y. muracatê sucî kerde û seba camêrdo tacîzkar bêro vînayîş veng da û va rewşê wina de ganî tu cinî bêveng nêmanê.

 

E. Y. ke qezaya Yenîşehîrê Mêrdînî hemverê, kuçeyê rastê tacîzo zayendî yê camêrdêke amî. E. şî mudirîyetê polîsan û gerre kerd. E. ya hemverê tacîz bêveng nêmende û dîyar kerde ke gerek camêrdo hêrişkar ganî bêro tepiştiş.

 

E. qiseykerdişê xo wina dewam kerde: "Hewteyê diyîn ê aşma Nîsane de ez bi embaza xo dir rayîr de meşyayne û 4 camêrdî verê ma ra derbaz bî û yewî mi tacîz kerd. Ez pey qirawa û pey şîya. Senîn dî ez pey ci ya rema. La ti kes hetkarî nêda mi. Ez hem pey bîya û hem zî qîrayne. La kesî hetkarî nêda. Tewr peynî camêrd kewt mîyanê qelabalix û mi zî fek vera da."

 

'Ez do pey ci vera nêdî'

 

E. da zanayîş ke dimayê ke gerre kerda, qeydê kamera ra ewnîyawa la nasnameyê camêrdo hêrişkar tespît nêkerdê û va: "Mi rîyê hêrişkar polîsan ra qalî kerd. Yewî ra zêdeyîn fotograf mojnayî. Ez zî eynî roje de cayê hedîse de 5 rey geyrawa la mi nêdî. Ez o fek vera nêdî û ez do hêrişkar bigeyrî. Tu cinî gerek nê caardişan ra bêveng nêmanê. Ez do her wext taqîb bikerî."