Safiya Alagaş

 

AMED - Mamosteyo bi nameyê Ahmet B. wendekara xo rê îstîsmaro zayendî kerd û keyeyê domane rê seba dadgeha 'şerîatî' vengdayîş kerdib, 4 serrî û 8 aşmî ceza ameybî birnayîş û qerarê bi sebebê ceza ame eşkerakerdiş. Dadgehe îdia kerde ke 'çalakîya gumanbarî pêwa ke temasê bedenî esto zî întensîfîke çin o' û no semed ra zî ‘îstîsmaro zayendî yo şenik' ceza ame dayîş.

 

Çinarê Amedî de Lîseya Îmam Hatîpê Kênayan de mamosteyo bi nameyê Ahmet B yo ke kewtêne dersa cografya hemver wendekara xo îstîsmaro zayenî kerd û sucê 'îstîsmaro zayendîyê şenik ê domane' ameyne muhakemekerdiş. Seba Ahmet 4 serrî û 8 aşmî ceza maebî dayîş. Ahmet B. hewl dabi ke îstîsmaro zayendî 'normal' bimojno ra û vatibi 'wa şerîet mi muhakeme bikero'. 3in Dadgeha Cezaya Giran ya Amedî qerarê xo yê bi sebebê ceza da eşkerakerdiş. Qerar de sebeb de ame vatiş ke gumanbar sûco xo îtîraf kerdo û domane zî iriye û îstîmar û tehdîdê ke ci rê ameyê kerdiş qalî kerda.

 

Dadgehe dîyar kerde ke gumanbar domana 15 serrî bi vatişê cîya xapênayo û tehdîd kerdo û çend rey îstîsmaro zayendî kerdo. Heto bîn ra va ke çalakîya gumanbar temasê beden bibo zî 'întensîfêke' çin o. Dadgehe sebebê ke pêşkêş kerdî îdia kerde gumanbar sucê ‘îstîsmaro zayendî yê şenik hemverê domane' ca ardo û ameyo cezakerdiş. Tehdîd zî qet nêame vînayîş.

 

Nêame tepiştiş

 

Dadgehe sûcê ‘îstîsmaro zayendî yê şenik hemver domane' hîrê serrî ceza da Ahmet B.û dîyar kerde ke seba ke suc bi hawayêke sîstematîk ameyo kerdiş vet 5 serrî û 7 aşmî û 15 rojî.  Dadgehe fînayîşê takdîrî zî ca ard û na rey ceza fîna 4 sal û 8 meh û 7 rojî. Derheqê gumanbarî de qerarê tepişnayîşî nêame vetiş.

 

Hema xebityayne

 

Mudirê Perwerdêyî derheqê Ahmet B. de cigêrayîş da destpêkerdiş û hîrê aşmî meaş ra ceza birnayîşê ame dayîş û dima ra tayînê ey dabî Licê. Ahmet B. dimayê ke uca de maneno tayînê xo vejeno Pasûr. Sereyê dewa de mamostetî kerdo. Dimayê ke dewa çapemenî de vejya, hetê qeymeqamtîyê Pasûrî ra qerar ame dayîş ke nêxebityo û ame zanayîş ke kar ra ameyo dûrvistiş.