Lîlav Elî-Tolîn Muhemed 

 

ŞEHBA - Seba çareserkerdişê problemê cinî û rêxistinkerdişê înan, Kampa Bextwaştoxan ya Şehbaye de merkezê Kongreya Star amey akerdiş.

 

Bextwaştoxê ke seba ewleyîya xo fek mal û milkê xo ra veradayî û ameyî kampan de bica bîyî, hêrişanê artêşa tirkî ra xilas nêbenî. Bextwaştoxî hetê artêşa tirk û çeteyan ra yenî kiştiş, raştê îşkence û remnayîşî yenî. Heto bîn ra hetê artêşa tirkî ra plananê dagîrkerdişê herême de yenî xebetnayîş.

 

‘Seba sibaroja azad, pelçiqnêbîyayîşê cinîyan û çareserkerdişê probleman’

 

Seba çareserkerdişê problemê cinî û rêxistinkerdişê înan, Kampa Bextwaştoxan ya Şehbaye de merkezê Kongreya Star amey akerdiş. Endama Îdarekara Kongeya Starî ra Emîne Sulemane dîyar kerde ke seba sibaroja azad, pelçiqnêbîyayîşê cinîyan û çareserkerdişê probleman ê merkezê Kongreya Star Kampa Bextwaştoxan de akerdî. 

 

‘Seba şarê Efrînî xebat û xizmetê ma do dewam bikerî’

 

Emîneye qiseykerdişê xo de bale ante şert û mercê cinîyê ke Şehbaye de cuyenî ser û wina va: “Her çend ke şert û mercê cinîyê Şehbaye zehmetin bibî zî, ewro seba heqê xo xover danî û xo bi rêxistin kenî. Dewleta dagirkere ya Tirkîya ke bîye sebebê koçkerdişê hezaran hemwelatîyê Efrînî do nêresa hedefê xo. Hemwelatîyê Efrînî ke Şehbaye de bi ca bîyî do tu reye fek kultur û ziwanê xo ra vera nêdî. Seba koçberan çina destê ma ra bêro ma do bikerî û seba înan seferber bibî. Seba domanan mektebî ameyî akerdiş. Seba şarê Efrînî xebat û xizmetê ma do dewam bikerî.”