Duygu Cînîvîz

 

AMED - Hemsereka SESî yê Amedî Gonul Adibellî derheqê problemê warê weşî de şîrove kerde û dîyar kerde ke çarçeweya vurnayîşê weşîye de heqê weşîye pêroyî meydan ra ameya wedartiş.

 

Hemsereka SESî yê Amedî Gonul Adibellî da zanayîş ke hukmatê AKPî bi projeyê peynîye 'vurnayîşê weşîye de' heqê weşîye bi pêroyî de meydan ra wedarnaya û va no caardiş do bandurêke cidî serê kedkarê weşîye, nêweş û merdimê nêweşan bikero. Çarçeweya nê projeyî de do nukteya xizmetê weşîye de zehmetî bêrê antiş û no sîstem heqê weşîye şarî nêdano."

 

'Heq ame astengkerdiş'

 

Gonule dewam de bale ante ser OHAL û îxracê warê weşîye de û nê çî va: "Bi îxracan dir kedkarê weşîye de xeylê problemî ameyî cuyayîş. Sere de nê probleman de ma eşkenê nimûne bimojnê ra; La tay beşê nêweşxaneyan reyan yew hekîm xebitnenê û bi îxracan dir vengîyê pîl warê weşîye de virazyayî. Reyna seba vengî pir bo bar zêde kewt serê embazanê ma û vernîye nobedarî ame akerdiş."

 

Gonule dewam de arde ziwan ke serra 2003 de Bernameya Vurnayîşê Weşîye de pêwa heme îtîrazan kerdê cuyayîş û no sîstemî dir xizmetê weşîye bi kalîte kono û ma zî seba xizmetê kalîte bidê hemwelatîyan ma hemverê nê sîstemî vejênê.

 

Gonule qiseykerdişê xo wina qedêna: "Wextê peyînan de nêweşxaneyî teberê bajarî de yenê viraştiş. Na raste nîya. No caardiş xizmetê weşîye asteng keno. Gerek xizmetê weşîye rê merdimî bieşkê xo biresnê."