MÊRDÎN - Hepisxaneyê Tîpê L ê Patnosî hepsîyê nêweşî nînê dermnakerdiş û hepisxaneyê Tîpê M yê Bayburtî de ferzkerdişê hûmartişê leşkerî dewam keno, werd nêdanê domanan. Hepsî û keyeyê hepsîyan vengdayîşê hîsgîrî kerdî.

 

Hepsîyê hepisxaneyê Patnos û Bayburtî îhlalkerdişê heqan bi raya pêroyî dayî eşnawitiş. Hepsîyê hepisxaneyê Tîpê L yê Patnosî name eşrawitî dîyar kerdî ke ganî hemverê tedayan raya pêroyî bêveng nêmano.

 

Hepsîyan bi hemkarîya keyeyan tedayê ke ameyê kerdiş qalî kerdî û vatî bi aşmano xeylê hepsîyê nêweş sewqê nêweşxaneyan nînê kerdiş û nînê dermankerdiş. Hepsîyan ard ziwan ke revîr de doktorêke esto/a û o/a zî bi hawayêke keyfî xeylê nêweşîyan derman nêkeno/a, bincilî, radyo û kitabê yê keyeyî anê zî nêdanê hepsîyan.

 

'Bi aşman o nînê dermankerdiş'

 

Nure Terlake da zanayîş ke werem hepisxaneyan de zêde beno û wina va: "Bi aşman o uca de bi ciwan û domanan îşkence kenê. Ma êdî bêzar bîyê înan ra. Hepisxane de problemê awe germ yenê cuyayîş. Doktirêke esto/a goreyê xo derman keno/a. Hepsî nêeşkenê dermanê xo bigîrê. Nêweşê krîzê qelbî derbaz kenê di hewte ra dima benê nêweşxane."

 

'Îşkence û teda nêeşkenê ma çin bikerê'

 

Nure da zanayîş ke keyeyê ke şînê pêvînayîş zî bêzar kenê û bi surgunan dir keyeyê ke rewşe înan ya ekonomî baş nîya nêeşkenê şêrê pêvînayîşan û wazenê hepsîyan tena verdê û keyeyan rê ezîyet bidê antiş. Nure arde ziwan ke nêeşkenê bi îşkence û tedayan înan çin bikerê.

 

Bayburt de humartişê leşkerî

 

Hepisxaneyê Tîpê M yê Bayburtî zî îhlalkerdişê heqan her wext rojeve de yo û ame vatiş ke heta domanê 3 serre yî hemine danê verê hûmartişê leşkerî û bi hawayêke kêfî cezayê hucre danê hepsîyan. Hepsîyê ke zanayîş dayî keyeyanê xo dîyar kerdî ke hewteyê peyîn de werdê ke yenê dayîş 10an ra zêde hepsîyan jehrî kerdê.

 

Name ameyî desteserkerdiş

 

Hepsîyan dîyar kerdî ke nameyê înan yenê desteserkerdiş û her roje bi hawayêke kêfî bi ser koxuşan de yenê girewtiş. Heto bîn ra ame vatiş ke seba domanan zî firingî û xiyar yeno dayîş û no semed ra domanan zaf kîlo vindî kerdê.