MÊRDÎN - Diyîn roniştişê 17 domanan wextê qedexeyê tebervejyayîşê kuçeyan ê Nisêbînî de ameyî tepiştiş, 10 Nîsane de yeno vînayîş. Domanî yewin rey 9ê Çele de vejyayî vera dadgerî û îfade dayî, îşkenceyê tepişnayîşî de vatîbî.

 

Nisêbînê Mêrdînî de wextê qedexeyê tebervejyayîşê kuçeyan dewam kerdêne de 26’ê Gulana 2016ine de 76 kes taxan ra ameybî tahlîyekerdiş û dima ra zî ameybî tepiştiş. 17 ci ra doman 96 kesî tepiştiş de rastê îşkence ameybî û dima ra ameybî tewqîfkerdiş. Diyîn roniştişê 17 domanî ke hetê Dadgeha Cezaya Giran ra yenê muhakemekerdiş, do 10ê Nîsanê de bêro vînayîş. Domanî 19 îdiayê cîya ra yenê muhakemekerdiş û 79 rey bi muebetê giran yenê muhakemekerdiş.

 

Domanan nêwaşt ke bi SEGBÎSî îfade bidê do înan bîyarê dadgehe. Yeno pawitiş ke no roniştiş zî girewte bêro kerdiş û keyeyê hepsîyan zî seba domananê xo dadgehe ra bîyarê do şansê xo bicerebnê.

 

Hepsîyan îşkenceyê ke dîbî qalî kerdî

 

Domanî dimayê di serran ra nata reya yewin wexto ke vejyayî vernîye dadgere îşkenceyê tepişnayîşî de dîbî qalî kerdî û dîyar kerdîbî ke îfadeyê vernê dayê bi zor û îşkence day. Hepsîyan va ê îfadeyê wextê îşkence de dayî qebûl nêkenê û waştî dadgeh îfadeyê înan yê ke yenê dayîş esas bigîrê.

 

Dadgehe roniştişê diyîn ê domanan taloqê 10ê Nîsane kerdib. Roniştişê 50 kesê bîn zî 16ê Nîsane de yeno vînayîş.