Aynur Înedî

 

ŞIRNEX - Dengbêj Fadîle Aydişe klamanê xo de çîyê ke şarê Kurd cuyeno qalî kena û çîyê ke qijîtî de pîrike xo musaya heta ewro arda. Fadîle rojê peyîn de hêrişê TSK û komê girêdayê ci hember Efrînî kena babete.

 

Dengbêjîyê komelê Kurdî de bi vatişî yeno ziwan, sey qêrînayîşê tarîxî bi seserran o xo dewam keno. Fadîle Aydişa ke Sîlopîyê Şirnexê de cuyena, hedîseyê komelî yê şarê Kurd cuyenê klamanê xo de qalî kena û va çîyê ke muasaya bi 60 serre yo dana cuyayîş. Fadîle nika zî hêrişê hemverê Efrînî kena babete.

 

'Mi bi xêrê pîrike xo erjê kilaman fam kerd'

 

Fadîle derheqê destpêkerdişê kilamanê xo wina va: "Mi sereyê xo dayne serê çokê pîrike xo û aye goşdarî kerdêne. Mi vatişê aye qetî sereyê xo ra nêvetêne. Mi emrê qij de vatişê pîrike xo ra erjê kilaman fam kerd. A roje ra nata mi dest bi kilaman kerd. Dengbêjî adetê şarê Kurdî yo."

 

Fadîle dewamê qalîkerdişê xo de arde ziwan ke aye 7 serrî ya xo ra dima bi klamê pîrike xo pîl bîya û va hedîseyê komelîyê o wextî bandurêke pîl serê mi de kerdo û va: "Dimayê qirkerdişê Armenîyan, deliqnayîşê Şêx Saîd bandure zaf serê mi de kerd. Nika ez serê Efrînî de kilamanê xo vana."