WAN-Manîje Ebrahîma ke Îran de 8 serran ser nebatan de perwerde girewte dîyar kerde ke xeylê nêweşî seba werdîşê şaşî vejênê meydan û çarserî zî xoza ya. Manîje pêşnîyarê 'Ciwanî de baş bedenê xo biewne, wa kal û pîrbîyayîş de hetkarî bido to' kerde.

 

Manîje Ebrahîmî (48) ya Îranije  îdia kerde ke nebatê cîya yê xoza dana seba nêweşîyê sey regl, travmayê dimayê welidnayîşî, kîst, rîşa merdimwere çiçikan, nêweşiyê çerm, obezîte û mîyonan rê derman yenê viraştiş û benê şîfa.

 

'Cinî şibyenê xoza'

 

Manîje ard ziwan ke Unîversîteyê Îbnî Sînayê Îranî de warê Başkerdişê Nebatî de 8 serran perwerde dîya û 3 serrî yo zî Wan de cuyena. Manîje dîyar kerde ke seba welidnayîşî û reglî beden xo newe keno û va no semed ra zî xeylê nêweşîyan biko. Manîje da zanayîş ke yewin rayîrê muracatî dermankerdişê xozaya.

 

Manîje da zanayîş ke nebatî seba xeylê nêweşîyan feydeyîn ê û wina va: "Kîstê rahîmî, rîşa merdimwere ê çiçikan, masnayîşê mîdeyî, sancuyê reglî sebebê werdişê şaş û serdî ra yenê meydan. Hefsudank û hingimînê tebîî seba nêweşîyê serdî rê baş yenê."

 

Heto bîn ra Manîje va ke nebatê Safran yê Îran de reseno zî seba xeylê nêweşîyan baş o û nebatêke xeylê taybet o û wina va: "Pîyaz antîbiyotîko tebîî yo. Sancuyê regl de û îltîhab de bi bandure yo. Nêweşîyê Hepatîte de zî ganî hefsudank zî bêro xebitnayîş." Manîje seba çaya sîya hîşyarî kerde û va xeylê nêweşîyan hebênena û sebebê rîşa merdimwere ê çiçikan werdişê şaşî ra beno."