Safîye Alagaş

 

AMED- Camêrdo bi nameyê C.K yo Çinar de hemverê cinîyêke hêrişê îstîsmar kerd, hetê dadgehe ra serbest ame veradayîş. Tipê Edlî zî hetê camêrdî de raporêke amade kerd. Dozgerîye pêwa nê çîyan derheqê gumanbar de sûcê 'hêrişê îstîsmaro zayendî' dewa akerd.

 

Çinarê Amedî de 6ê Hezîrana 2017an de camêrdo bi nameyo C.K bi dizdî kewt keyeyê cinîya bi nameyê B.A ya ey terk kerdib û hemverê aye hêrişê zayendî kerd. B.A şî polîs û gerre kerde. C.K yo ame tepiştiş û hetê dadgehe ra verê ke girewte bêro hukmkerdiş ame veradayîş. îdianameyê Serdozgerîya Komare yê Çinarê amadî kerd zî hetê 3in Dadgeha Cezaya Giran ya Amedî ra ame qebulkerdiş.

 

Tipê Edlî hêrişê zayendî nêvîna

 

Îdianame de ca dayî raporê Tipê Edlî yê sey 'delîlê îstîsmarê zayendî nêame vînayîş'. Dozgerîye îdiname de va C.K roja hedîse vejyaw serbanê keyeyî cinî û bi cinî dir demêke qisey kerdo. Heto bîn ra îdianame de ca dayî îfadeyê redkerdişê îstîsmaro zayendî. Sucê 'îstîsmaro zayendî yê bi nîtelîk' bi waştişê 7 serran heta 12 serrî dewa amî akerdiş.

 

Cinîya rastê hêrişî amebî, avûkatê gumanbar û  avûkatê Wezaretê Polîtîkayê Komelî û Keyeyî de roniştişê yewin de amade bî. C.K zî seba leşkerî de SEGBÎSî beşdar bî. C.K roniştiş de îfadeyê xo dubare kerd.