ÎZMÎR - Cinîyê Mîhrîcanê Fîlman ê Cinîyan Fîlmmor de hemverê vatişê zayendperestan vejyayî serê sehne vatî: "Desthilatdarîyêke, neteweyî, mintiqa, zayendperst û nîjadperest bê cîyabîyayîşê sîyaset bikero dişminê heme cinîyan o û ganî heme cinî xo rêxistin bikerê."

 

Cinîyê ke beşdarê Mîhrîcanê Fîlman ê Cinîyan Fîlmmorî ê Gezîcî bî, serekê TBMMî Îsmaîl Kahraman ke nêverda cinî vejyê serê sehneyê tîyatro, protesto kerdî. Cinî dimayê fîlmî 'îşe yarar bîr şey' vejyay serê sehne wina vatî: "Desthilatdarîyêke neteweyî, mintiqa, zayendperst û nîjadperest bê cîyabîyayîşê sîyaset bikero dişminê heme cinîyan o û ganî heme cinî xo rêxistin bikerê."

 

Kuncnuştox Ozlem G. dîyar kerde ke patrîarkê wayîrê xo eşkera vejeno meydan û va cinî cîya yenê vînayîş, qij yenê fistiş û wina va: "Wextê zextweran de, wextê ke sîlehî verê înan hetê şima ser bê, wexto ke veng bi hawayêke azad nêvejîyo, huner hacetêke pîroz yê bîyayîşî yo û xo îfadekerdişî yo. No semed ra gerek cinî hunerê xo bikerê û vejyê serê sehne."

 

'Bêtehemulîyê hemverê cinîyan'

 

Aktîvîsta Piştdayîşê Mor Medîha Mulayîme zî da zanayîş ke AKP bi 15 serrî welat bi zîhniyetê camêrdan rayîra beno û wina va: "Ganî cinî bibê yew û problemê xo çareser bikerê. Xêrcê têkoşînî rayîrêke bîn çin o. Ganî cinî xo bi hawayêke hîra rêxistin bikerê. Çîyo ke yeno cuyayîş bêtehemulîyê hemverê cinîyan o. Hemverê her kesî, her sîyasetî hemverê cinîyan o. Têduştî nêkeno mabêne zayend, nîjad û ziwan.  Hêrişêke netewperest nîjadperest babeta vatişî ya."

 

'Cinîyan cuyayîş ra dûr fînenê'

 

Mamosteya teqawîtî Suna Yildize ard ziwan ke bi çinkerdişê cinî, heme komelî birîndar kenê û cinî tena serê sehne de nê, cuyayîş ra zî yena dûrvistiş û va: "Na rewşêke xof a. Cayê ke azadî çinbo cuyayîş zî çin o."

 

Zeynep Çalişkan zî reaksîyon caardişê hemverê cinîyan da û dîyar kerde ke AKP azadîya seba cinîyan pêşnîyar keno bêîradebîyayîş o."