ENQERE - Wendekara Unîversîteya Stenbolî Tugçenur Ozbaye 2015 de wexto ke vapure ra vejyayne amî tepiştiş û bi sebebê serê aye de di şayaxî estbî, heyetê dadgehe kerdî delîl û çalakî û bernameyê unîversîte ke beşdar bîya zî kerd mîyanê dosya û 33 serrî û 3 aşmî ceza dayî.

 

Wendekara unîversîteya Stenbolî Tugçenur Ozbaye 2015 de Stenbol Beşîktaş de wexto ke vapûre ra vejyayne amî tepiştiş,  Tugçe ya bi îdiayê 'çalakî kena' amî tepiştiş verê ke berê dozgerî tewqîfkerdî û no prosesî de eşrawitî hepisxane. Tugçe nika hepisxaneyê cinîyan ê Şakranî de manena. Tugçenûre çîyê ke cuya, bi nameyêke qalî kerde.

 

Tugçenure dîyar kerde ke roniştişê peyîn de metodê SEGBÎSî ci rê ferz kerdê û va no semed ra têkilî her wext ameya birnayîş û îmkan nêdayê qiseykerdişê aye û SEGBÎS ameyo girewtiş. Tugçenure ard ziwan ke heqê pawitişî çin hesibnayê û 33 serrî û aşmêk û hîrê rojî ceza dayê ci.

 

Tugçenure dewam de va heta rojo ke ameya tepiştiş seba hedîseyê Unîversîteya Stenbolî zî derheqê aye de xeylê dosya ameyê akerdiş û wina va: "Seba na dewa û îzahatê çapemenî û bernameyan beşdar bîya ceza dayî mi. Yew cezayê ke ameyê dayîş 'endamîyê rêxistine' a bîne zî bername û çalakîyan ame dayîş."

 

'Heqê perwerde destê mi ra ame girewtiş'

 

Tugçenure ard ziwan ke kiştox, tecawizkar û cîhadî no prosesî de yenê beratkerdiş û wina va: "Ez hema 22 serrî ya. Seba ke ez 30 serran hepisxane de bimanî, heme çî kerdî. Ez wendekara Protohîstorya û Arkeolojîyê On Asya bîya. Bi KHK yê ke ameyî vetiş, heqê perwerdeyê mi zî destê mi ra girewtî. Prosesê hukmkerdişê mi de delîl û îdiayê ez hende ceza bigîrê çin bi. Goreyê xo ceza dayî. Derheqê hedîseyêke 2014an virazyabî û yew OGB û 4 polîsî birîndar bîyê mi berpirsîyar vînayî. Hedîseyê ke zincîya mi şikya de ame vatiş ke mi 4 polîs derb kerdê û ceza ro mi varnay. Cinîyêke 43 kîlo senîn eşkena 4 polîsan ro do. No duştê metodê fîzîkî yo. Na rewşe de cezaya ke amî dayîş 8 serrî û 8 aşmî amî zêdekerdiş. Dosya ke polîs amade kerdo de îdiya tewr pîl o yo ke mi di şayaxî dayê xo ra. Xora cezaya endamî zî ameya dayîş. Qasê ke ez zana welatê ma de xoradîyayîşê di şayaxan qedexe nîyo. Cîhadîyê Amedî bomba keyeyê înan de ame vînayîş, berat kerdî. Ez zî seba di şalan desan serrî ceza gêna."