MÊRDÎN - Endama Meclîsê cinîyan ê HDPî Munevver Ulkere dîyar kerde ke seba aştîyêke mendişe mîyanê şaran de virazyo ganî tecrîd bêro wedartiş û wina va: "Suryanî, Êzidî û heme şarê bînî seba tecrîdî binê tedayan de yê."

 

Rayberê PKKî Abdullah Ocalan ke bi 7 serrî yo semedê polîtîkayê tecrîdî nêeşkeno avûkatanê xo dir û 4 serre yo nêeşkeno keyeyê xo dir pêvînayîş bikero. Dimayê teşebusê derbe ra bi tedayê raya pêroyî birayê ey Mehmet Ocalan Êlula 2016 de şibi Îmralî. Nê rojan 69in Rojbîyayîşê Rayberê PKKî Abdullah Ocalan ke Îmralî de binê tecrîdo giran de yo hetê Kurdan ra xeylê bajaran de bi çalakî û bernameyan yeno pîrozkerdiş.  Fînalê çalakîyan zî do 4ê Nîsane de dewa Abdullah Ocalan Amara de virazyo. Endama Meclîsê Cinîyan ê HDPî yê Mêrdînî Munevver Ulkere seba beşdarbîyayîşê pîrozbayîyê Mêrdîn û qezayê ci veng da û va Abdullah Ocalan binê tecrîdêke giran de yo.

 

Munevvere bale ante serê helwestê Komîteya Vernîgirewtişê Îşkencî (CPT) ke xeylê reyan şîyê Îmralî û arde ziwan ke semedo ke CPT bi hîsgirî tênêgeyrayê û pêvînayîşan nêkenê şarê Kurd û cinî endîşeyêke pîl de yê û wina va: "No endîşe ganî derbaz bê. Ganî CPT berpirsîyarîyê xo bîyaro ca. Ma wazenê derheqê rewş û weşîya rayberîya xo de zanayîş bigîrê. Heme seba tecrîdî bi endîşeyîn ê. Ma do heta peynî, heta tecrîd wirzo ma do xebatanê xo bikerê."