AMED - Farqîn de wendekarê verê Kişlaya Fermandarîya Alay a Taktîk yê Cendermeyan derbaz benê dîyar kerdî ke hetê cendermeyê nobedaran ra rastê tacîzê vatişî yenê û vatî ganî çareserîke bêro vînayîş.

 

Farqîn de wendekaran îdîa kerdî ke wexto ke verê Kişlaya Fermandarîya Alayê Taktîk yê Cendermeyan ra derbaz benê, hetê cendermeyê nobedaran ra rastê tacîzê vatişî yenê û vatî ganî çareserîke bêro vînayîş. Warê  leşkerî yê hetêke hîra zere de hetê dekewtişî zî cade rê ewnîyeno. Wendekarê lîse û mektebe zî her siba no cehde ra derbaz benê. Wendekarê Lîseya Anadolu ê Farqîn û ÎMKB Anadolu yê Farqînî wanenê, dîyar kerdî ke her wext rastê vatişê yê leşkerê nobete gênê yenê.

 

Wendekarê kêna yê her siba saete 08.00an de dest bi derse kenê mecbur manenê 07.30 de cehde ra derbaz bibê û dîyar kerdî ke roje de di rey mecburê tîya ra derbaz bê. Wendekaran dîyar kerdî ke ê çareserîyêke wazenê û vatî bi xeter bo zî mecburê derbazê cehdeyê bîn bibê û rayîra şêrê. Wendekara bi nameyê M. ke 4 serre yo rayîr de xeylê rey rastê vatişan yena wina va: "Her rey wexto ke ez derbaz bena, seba ke ez vengê înan nêeşnawî şina cehdeyê hemver. Uca de zî trafîk estbi. Tena ez nê, bi desan embazê mi wina yê. Ma na taxe ra bi lezgînî derbaz benê."