ÎZMÎR - Sereka Baskê Cinîyan ê Bucayê CHPî Hulya Altune dîyar kerde ke AKP hewl dano cinîyan bi pêroyî de cuya komelî ra dûr bifîno û ganî cinî esasê hemparî de bêrê têhet.

 

28ê Adarê de bi talîmatê serekê TBMMî Îsmaîl Kahramanî kaykerdoxê cinîyan nêgirewtibi serê sehneyê Vîrardişê Çanakkaleyê TBMMî de virazyabi. Dima ra hedîse amî eşnawitiş sere kaykerdoxê cinî û her het ra reaksîyon ameybî mojnarayîş. Vizîr zî cinîyan Şanoya Kenter de ameyî têhet û dîyar kerdî ke ê her ca de yê, ro sehne de yê.

 

Sereka Baskê Cinîyan ê Bucayî yê CHPî Hulya Altune reaksîyon hemverê hedîse mojna ra û dîyar kerde ke ê wazenê cinî û camêrdî pîya têbigeyrê û va  AKP 17 serre yo hewldayîşê çinkerdişê qezencê cinîyan de yo. Hulya ard ziwan ke AKP hewl dano cinîyan pêroyî warê komelî de çin bikero û va: "Ma wina fikrîyenê ke hewl danê cinîyan hîrêgoşeyê odeyê rakewtiş, mitbax û keye de bêro hespkerdiş. Ma fikrîyenê ke na rewşêke serê partîyê sîyasî yo. Hemverê nê ganî ma cinî pîya têbigeyrê."

 

'Ma cinî  her ca de yê şima rê çi'

 

Hulya da zanayîş ke cinî ameyox awan kenê û wina va: "Ma bi domananê xo ameyox awan kenê. Bi perwerde ma hewl danê ê ma rayîra berê. Ma cinî ma do her ca de bê. Şima rê çi? Aştî ancax bi hemparbîyayîşê cinîyan mumkin a."