ENQERE - Çalakgerê Cadeyê Yukselî xoverdayîşê  Gulnaz Bozkurte netîceyê şîdetê polîsan de beşêke porê aye kok ra ame wedartiş û amî tepiştiş. Dima ra karê aye nêweşxane ra amî vetiş. Gulnaze wina va: "Ez kar ra ameya eştiş. Bi nê çî wazenê mi bitersnê. Do reyna porê mi kaş bikerê û reyna şîdet bi ca bîyarê. La ma do reyna şêrê."

 

Yew xoverdayoxa Cadeyê Yukselî Gulnaz Bozkurte, çalakîya şan de 28ê Adare de rastê şîdetê polîsan amî û beşêke porê aye semedo ke polîsan kaş kerd kok ra wişt we. Heto bîn ra Gulnaze karê xo yê hîrê serran ke nêweşxaneyê Ozel Guven de xebityayne zî bi sebebê 'piştdayîş daw çalakîye' kar ra amî vetiş. Gulnaze dîyar kerde ke do heqê xo yê destûrê bingehîn xebitnaya û wina va: "Ez kerda wesayît û ez derb kerd a. Dima ra porê mi girewt. Hewl da mi wesayît ra bierzo. Mi zî hewl da ez xo û porê xo bipawî. Polîs destê mi penc kerd. Engîşte mi gaz kerd. Dima ra bi deqeyan porê mi kaş kerd."

 

'Roj bi roje îşkenceyî zêde benê'

 

Gulnaze dîyar kerde ke seba îşkenceyê polîsan hetê aye çep kel bîyo û va: "Verê ci de ez mil,  dest û engîştanê xo reyan hîs nêkena. Hemverê ma de hêrs û kînêke pîl esto. Ma bi tacîz, derb, heqaret û îşkence yenê tepiştiş. Roj bi roje îşkence zêde benê. Wexto ke ma erd ra kaş kerdêne, hewl danê cilanê ma ma ra bikerê."

 

'Hewl danê ke bivurnê şerê kuçeyan'

 

Gulnaze da zanayîş ke hêriş seba vindî bijerê yenê kerdiş. La ê dest çalakîya xo ra vera nêdanê û wina va: "Heta ewro xeylê reyan hêriş kerdî. Sere, mil û parsû şiknayî. Heme çî ceribnayî. La netîce nêgirewtî. Hewl danê na hedîse açernê şerê kuçeyan."

 

'Peynî karê mi ardî'

 

Gulnaze dewamê qiseykerdişê xo de dîyar kerde ke seba piştdayîş daya xoverdayîşê Yukselî karê xo yê Nêweşxaneyê Guvenî ra zî ameya vetiş û va bi sebebê hetkarî daya xoverdayîşê Yukselî teblîgat pê dayê îmzakerdiş û dimayê îmza nêeşkeya tu heqê xo biwazo.

 

Gulnaze peynîye qiseykerdişê xo de veng da heme hetê hîsgiran ke wayîr xoverdayîşê Yukselî vejyê û wa xoverdayoxê Yukselî tena nêverdê.

 

Heto bîn ra Gulnaze dimayê raporê derbî bigîro do bi avûkatê  xo dir derheqê polîsê îşkencekar de gerre bikerê.