MÊRDÎN- Cenazeyê endamê YPS-YPS-JIN ke qedexeyê tebervejyayîşê kuçeyan yê Nisêbînî de cuya xo vinî kerdibî, pêwa ser de 2 serrî derbaz bi zî hema nêdayê keyeyê înan û dozgerîya  Mêrdîn û Nisêbînî ke muxatabê babeteyê vanê ‘eleqeyê ma bi ci çin o'.

 

Cenazeyê endamê YPS û YPS-JIN yê qedexeyê tebervejyayîşê kuçeyan ê Nisêbînî de cuya xo vinî kerdî, ro goristanê bêkesan ameybî definkerdiş. Pêwa mabêne ra 2 serrî derbaz bi zî cenaze hema nêdanê keyeyan. Keyeyan waştiş name dayî ÎHD dîyar kerdî ke her sazgehêke verê înan danê cayêke bîn û rastê astengîyê burokratîk yenê.

 

Keye her wext nimûneyê gonî danê

 

Ame dîyar kerdiş ke hema cenazeyê 45 kesî nêameyê teslîmkerdiş û keyeyan zî no prosesî de hîrê rey nimûneyê gonî danê. Keyeyê ke bajarê cîya yenê Mêrdînî û uca ra zî yenê Nisêbînî xêrcê dayîşê gonî çîyêk nêkenê.  Dozgerî verê keyeyan her rey danê hetêke bîn. Avûkatê ke muracatê ÎHD yê Mêrdînî dayî dîyar kerdî ke tu kesî ra nêeşkenê zanayîş bigîrê.