RIHA - Cinîyê Amara çarçeweya 69in rojbîyayîşê Rayberê PKKî Abdullah Ocalan de qisey kerdî û dîyar kerdî ke ganî tecrîd wirzo û vernîye pêvînayîşan bêro akerdiş. Cinîyan wina va: "Emsar pêwa astengîyan ma do Rojbîyayîşê Rayberê xo pîroz bikerê. Ma heme şarî dawetê Amara kenê."

 

Dewa Amarayî Xelfetî yê Riha de seba rojbîyayîşê Rayberê PKKî Abdullah Ocalan ke 4ê Nîsana 1949an de ameyo dinya, amadekarî dewam kenê û merdimê Abdullah Ocalan û cinîyê dewe ewnîyayîşê xo ardî ziwan.

 

Cinîya bi nameyê Gulsum Toygure vîrardişê xo yê bi Abdullah Ocalanî dir pare kerde û va ê yewbînan domanî ra nas kenê û wina va: "Maya Abdullah Ocalan, Uveyş Ocalane cuya xo de rastê zehmetîyê pîlan amî. Dayîka ey bandurêke pîl serê Abdullah Ocalan kerde. Abdullah Ocalan domanîya xo ra cîya nêzdîyê cinîyan bîne. Mana ro cinîyan bar kerdêne. Pêwa ke ma domanî bî zî, ma keyeyê xo ra nêvejîyayne û ma ameyne zewicnayîş. Rayber Apo nê çî her wext kerdêne cigêrayîş. Ma cinîyan xêrê ey nasnameyê xo nas kerd. Ganî Abdullah Ocalan emrê xo yê 69an bi şarê Kurdî dir pîroz bikerdêne. Rojê azad ancax bi azadîya Abdullah Ocalan mimkin o.”

 

‘Şarê Kurd do 4ê Nîsane de sey herre gane bibo'

 

Cinîya bi nameyê Hamdîye Goktaşe zî arde ziwan ke bi wendişê kitabê Abdullah Ocalanî dir tewr bandure bîya û wina va: "Şîrovekerdişê ey vurnayîşê pîl serê mi de kerdî. Xêrê Abdullah Ocalanî ra mi xebate cinîyan de ca girewte. Heta ke vernîya pêvînayîşan nêamebî girewtiş welat aram bi. La senîn pêvînayîşî ameyî birnayîş şer dest pêkerd. Ganî rayîrê Îmralî bêro akerdiş û prosesê muzakere reyna bêro destpêkerdiş. Mesajê şarê Kurd yê 8ê Adare û Newroze de ameyo dayîş ganî baş bêro wendiş. Mesajê hemverê tecrîd û hêrişê hemverê Efrînî zaf zelal bî. Ma heme kesî seba azadîya Rayberî pawenê Amara.”

 

‘Seba azadîya şarêke dewe ra visya'

 

Birakênaya Abdullah Ocalanî, Elîf Ocalane zî ewnîyayîşê xo arde ziwan û arde ziwan ke Abdullah Ocalanî ra zanayîş nêgirewtiş nîno qebûlkerdiş û wina va: "Reyna 4ê Nîsanêke bîn ame. Her kes 4ê Nîsane de yenê tîya û rojbîyayîşê ey pîroz kenê. Pêwa tedayan bi seyan kesî yenê dewe. Ez hema 3 serrî bîya Rayberî seba azadîya şarêke dewe ra vejêno. Ez ey rojname, kitaban û televîzyonan de vînena. Ey her wext seba şarê xo têkoşîn kerd. Seba ke azadîya şarî waştêne. Seba aştîyêke mende ganî Rayberî azad bêro veradayîş."

 

 ‘Senîn pêvînayîş ame birnayîş şer tewr zêde bi'

 

Fatma Ocalane zî dîyar kerde ke proseso peyîn de tecrîdê giran serê Abdullah Ocalanî de yeno kerdiş û sey keye hîrê serre verê pêvînayîş kerdê. Fatma reaksîyon tecrîdî rê mojna û wina va: "Ganî tecrîd wirzo û muzakere bêrê dest pêkerdiş. Senîn pêvînayîş ameyî birnayîş, şer, tepiştiş û tewqîfkerdiş tewr zêde bî. Nê problemî bi Ocalanî dir yenê çareserkerdiş. Ganî nê hêrişî peynî bê. Ma sey şarê Kurd tena azadî wazenê. Azadî heqê heme kesan a. No semed ra birayê mi seba azadîya şarê Kurdî wirza serê lingan. Ey her wext hemverê zulmî sere wedarna.  Dewleta Tirkî zî seba azadî nêvirazyo Ocalan kerdê hepisxane."

 

'Hêrişê hemverê cinîyan ey nêrehet kerd'

 

Fatma qalê serrê ke bi Abdullah Ocalanî dir derbaz kerdê kerde û va: "Domanîya ma pîya derbaz bi. Ey her wext çîyê xo bi kesan dir pare kerdêne. Ma pîya kay kerdêne. Merdimêke zaf baş bi. Zerrîya yewî nêşiknayne. Qijan dir bîne qij, pîlan dir bîne pîl. Taybetî zî girîndî dayne cinîyan. Semedo ke cinî her wext pelçiqyayne. Îşkence ro înan rê ameyne kerdiş. Na rewşe ey dijnayne. Hemverê no zulmî wişt û bîyayîşê cinîyan mojna ra. Tewr peynî hîrê serre verê mi ey dî. Her pêvînayîş de qalê cuya dewe kerdêne. Vatêne darî zergûn bîyê, vilî a bîyê. Wexto ke xoza bîne zergûn xeylê kêfweş bîne. Her serre Amara de rojbîyayîşê Ocalan yeno pîrozkerdiş. Pêwa heme astengîyan. La ma do emsar zî astengîyan nas nêkerê û rojbîyayîşê ey pîroz bikerê. Ma wazenê ganî tecrîd wirzo."