RIHA - Domana bi nameyê Arîne tewrê dayika xo Esma Yilmaze 9 aşmî yo ke Zîndanê Hûmara 2. yê Tîpa Tyî yê Riha de tewqîdkerde yî. Dayika Arîne seba serbestveradayîşê kontrolê edlî muracatê Mehkemaya Înfazî ya Mêrdînî kerdbî û nika paweyê cewabê mehkema ya.

 

Zindanê Tirkîye de 560 domanê qijkek bi dayîkanê xo zîndanan de yê. Hemsereka Qezaya Mahsertî ya Partîya Herêmê Demokratîkî (DBP) ya kehen Esma Yilmaze serra 2016î de amey tewqîfkerdiş û badê 3 aşman ameybî tehlîyekerdiş. Esmaye 29ê teşrîna peyêne ya 2017î de newe ra ameybî tewqîfkerdiş û 9 aşmî yo ke tewrê domana xo Arîne Zîndanê Hûmara 2. yê Tîpa Tyî yê Riha de yî. Derheqê Esmaye de bi îdîayê ‘hetkarî daya rêxistine’ ra 4 serrî ceza ameybî birnayîş û no ceza Mehkemaya Îstînafî ya herême de yena vindetiş.