MÊRDÎN - Hetê DEDAŞî ra Mêrdîn de elektîrîkê 280 dewan ame birnayîş û hewcedarîyê cu nika ameyê vindarnayîş. Cinîyê ke hewteyêke yo tarî de yê reaksîyonê xo wina mojnayî ra: "Binê nê çî de çîyêk bîn estê. Madem deynê ma estê wa bêrê fatureyan bi mojnê ma. Bi hewteyêke yo ma nêeşkenê domanan bişoy."

 

Qezayê Qoser, Dêrik, Nisêbîn û Artuklu de, hetê DEDAŞî ra bi sebebê ‘ceyrano kaçax xebitnenê û fatureyan nêdanê' elektîrîkê 280 dewan ame birnayîş. Hemverê na rewşe hemwelatî bi reaksîyon ê. Dewijê ke seba ceyranî nêeşkenê awe xo zî bigîrê, ramitişî rê zî nêeşkenê awe bidê. Hemwelatîyan va ganî nê caardişî peynî bê.

 

Cinîya bi nameyê Şafak Karaaslane dîyar kerde ke aye bi rojano perîşan bîya û wina va: "Seba zîhniyetê lêşin anêkenê. Vanê pereyê ceyranî bidê. Her serre wina kenê, ma êdî acis bî. Pêwa ke ma pere danê zî bi ma wina kenê. Gelo pereyêke zaf wazenê. Ma fam nêkerdo. Bi desan dewî na rewşe de yê. Gelo heme seba pere nêdayê tarîtî de yê. Şan de wexto ke merdimî Qoser ra şinê Mêrdîn her ca tarî de yo. Bi rojano her kes na rewşe de yo. Madem deyn estê wa fatureyan bi mojnê ra."

 

'No hewteyêke yo ma nêeşkenê domanan bişoy'

 

Sultan Ertaşe zî reaksîyonê xo wina ard ziwan: "Ma vanê çira ameyo birnayîş, vanê 'deyn esto'. La ma deynê xo her aşme danê. Wa o wext deyn vejê û fatureyan bimojnê ra. Pêwa ke ma fature dayê zî ceyran birnenê. No hewteyêke yo ma nêeşkenê domanan bişoy. Ma nêeşkenê pakîtî bikerê. La ça xizmet danê. Eke xizmet bibayne ceyran bibayne. La ne ceyran esto û ne zî xizmet."

 

‘Zulm ro ma kenê'

 

Zehra Ertaşe zî wina reaksîyon mojna ra: "Hukmat ne awe û ne zî ceyran dano ma. Ma awe xo bîran ra ancenê. Gelo na rewşa ma rewşe ya. Verê ceyran çinbi la ma rehet bî. La nika ne awe û ne zî ceyran o. Zulm ro ma kenê."