ÎZMÎR - Hemverê AVMyan bazarê ke hacetê kan bîyê cayê vurnayîşî binê hêrişê sîstematîk de yê.

 

AVMyê ke qelbê kulturê xerckerdişê kapîtalîzmî yê, xerckerdişan zêde keno û heto bîn ra zî hewcedarîyan ê dîyar kenê. Bi no hawa berardişê verê ameyê girewtiş, wextê înan derbaz keno û erzenê çop. La xoza de konseptê çopî çin yo. Her bîyayîş açerneno çîyê cîya û bi no hewa çî zî wextê xo pir nêkenê. La hemverê nê çî cayê ke vurnayîş kenê estê. Nê cay demêke yo Tirkîya de bi hawayêke sîstematîk yenê çinkerdiş, bajarê sey Enqere û Stenbol bazarê sipeyan, bazarê hacetê kan yê Halkapinar de zêde bî.

 

‘Esnaf padayîşê tezgahan ra tersenê'

 

Îzmîr de bi qerarê hemwelatîyan demêke bazarê hacetê kan ameyî girewtiş û nika vejyayîşê bazarê taxe, vejyayîşê îstasyonê metroyî û dingan de tezgahê hacetê kan yenê akerdiş.

 

‘Hemverê AVMyan germbîyayîşê merdiman esto'

 

Aynur Guleryuza ke esnafê bazarê çîyê kan ê Uçyolî ya dîyar kerde ke ç hewl danê kesê ke pereyê înan çin o, cilan xo rê bigîrê û va: "Ez bawer nêkena no kar bamdure negatîf keno. Ma tîya bi merdiman dir sohbet kenê. AVMyan de çîyê wina çin yê. Uca gorey ma nîyê. Kêfweşîyêke sexte esto. Muşterîyê ma yenê vanê nê çî ma rê lazim ê. Gelo wendekarêke eşkeno şêro mexaze de wina vajo? Ez kitabê kan gêna. La kitabxaneyan de 30-40 lîra yê.”

 

‘Vurnayîş çinbo berardiş zirar danê xoza'

 

Aynure da zanayîş ke her wext berardiş zirar dano xoza û wina va: "Ma çi bivînê ma ê çîyan roşenê. Vurnayîş çinbo berardişî zirar danê xoza. Ma çîyê destê xo heta peynî bixebitnê, do xoza xira nêbo. No semed ra ma çi vînenê roşenê."

 

‘No bazarî de berardişê ke modeyê înan şîyê çinyê'

 

Nurten Şîşeke zî dîyar kerde ke sibayêke wexto şîyê bazarê musay ke bazar ameyo qedexekerdiş û wina va: "Bi 20 serrî no kar kena. Dimayê qedexe eleqeyê merdiman hîna zêde bi. Eleqe girêdayîşê krîzê ekonomîyo zî. Mode her serre vuryena, êdî xîtabê kesan nêkena. Tîya heme çî esto. Mode tîya derbaz nêbena. Heme yenê tîya."