STENBOL - Keyeyê Rayberê PKKî Abdullah Ocalanî û keyeyê hîrê hepsîyê bîn ke verê Abdullah Ocalanî de yê seba pêvînayîşê reya 69in muracatê Serdozgerîya Komara ya Bursayî kerdî.

 

Wayê û birayê Rayberê PKKî Abdullah Ocalan, Mehmet Ocalan û Fatma Ocalane bi rayîrê avûkatan seba roje dişeme pêvînayîş bi Ocalanî dir bikerê muracatê Serdozgerîya Komara ya Bursa kerdî.

 

Keyeyê hîrê hepsîyê bîn yê verê Abdullah Ocalanî de manenê zî muracat kerdî. Birayê Hamîlî Yildirim, Polat Yildirim, birayê Omer Hayrî Konar Alî Konar û waye Veysel Aktaşî Sabîha Aslane zî bi rayîrê avûkatan muracatê Serdozgerîya Komara ya Bursa kerdî.

 

Keye bi no muracatî dir 11ê Êlule 2016an ra û nata bi reya 69ine muracatê dozgerî kenê.