ŞIRNEX - Cizîre de dimayê qedexeyan yew polîtîkayê kewt cuyayîş koçberîyê ke şarî rê ame ferkerdiş bi. Meryema Bellî ya binê nameyê ‘warê bi xeter’ de keyeyê aye yeno waştiş ke bêro vengkerdiş va: "Ma dimayê qedexe binê bombayan de cuyayî. Nîyetê kesî çin o ke fek tîya ra vera bido.

 

Cizîre de dimayê qedexeyê tebervejyayîşê kuçeyan ame îlankerdiş û hema zî rêçe pêrodayîşan Cizîre de serdest o. Dimayê pêrodayîşan mektebî zî açeryayî qerekolan û qeza de fuhuş, tiryak û bahîs resayî merhelaya cor. Pêwa nê caardişan şarê Cizîre bi qerarê ke herra xo de bimanê. Pêwa bombardumanan 25 rojî keyeyê xo ra nêvejîyayî Meryema Bellî ya ke taxa Sûrî ke pêrodayîş ameyne cuyayîş mendêne, dimayê qedexeyê 14ê Kanûna 2015an de ame îlankerdiş de 25 rojî keyeyê xo ra nêvejîya.

 

Meryema dîyar kerde ke aye pêrodayîşan de vêşan û teyşan mendê û reyna zî xo ver dayî û wina va: "Ma 25 rojî zere de mendî. Ma vatêne ma heta roja peynî manenê. La ma vîna derg bi, ma mecbur mendî vejyayî. Bi rojan merdiman xo ver dayî. Sîvîlî zere de mendî. Dimayê qedexe ameyî keye û keyeyê ma ra çîyêk nêmend. Ma keye nîmcet tamîr kerd. Ma 30 rojî wina mendî."

 

'Ma keye viraştî reyna wazenê birijnê'

 

Meryema da zanayîş ke seba keyeyê qerarê ‘warê bi xeter’ vetê û va bi no qerar do destûr nêdê dewlete reyke bîn keyeyê înan birijno û wina va: "Dimayê qedexeyan ma bênê bombayan de cuyayî. Wexto ke ma dest bi keye kerd ke ma viraznê, qerarê ‘ warê bi xeter’ ame dayîş. Taxe de xeylê keyeyan keyeyê xo tamîr kerd. Ê ma zî hema hema verê qedênayîşî de yo. Tîya tu çîyêk sey verê nîyo. Verê tiryakî nêkewtêne taxanê ma. La nika kuçeyan de ciwanî keyeyê vengan de tîryakî xebitnenê."

 

'Ma nêverdenê û nêşinê'

 

Meryema tewr peynî wina va: "Ma aştîye wazenê. Ma nêwazenê domanî zêde bimrê û bajarî birijyê. Ma aştî û azadî wazenê. Ma ne keye û ne zî ganê xo nêdanê. Seba ma tîya weş o. Ma nêşinê cayêk zî."