Safiye Alagaş

 

AMED - Derheqê parlamentera HDPî Selma Irmake de bi sebebê qiseykerdişê aye 2015an de kerda serrêke cezaya hepsî amî birnayîş. Qerarê birnayîşê ceza de ame vatiş ke heqê rexneyê giran yê parlamenteran esto la no wezîfeyê înan o, la vatişê  parlamenterê ke goreyê kesê rêze ra tewr zêde bandure bikero.

 

Parlamentera HDPî ya Colemêrgî Selma Irmake 2015 de wextê Heyetê Pêroyî yê KCDî de bi telefon beşdarê MED Nûçe bî û seba qiseykerdişê aye sebeb û dewa ci rê amebî akerdiş. Roniştişê qerarê 9in Dadgeha Cezaya Asliyeya Amedî de aşma Çele de amebî vînayîş. Heyetê Dadgehe îdia kerde ke sûcê Selmaye sabît o û serrêke cezaya hepsî da. Eynî wextî de cezaya amî dayîş zî nêamî taloqkerdiş. Dadgeha ke qerarê xo bi sebeb eşkera nêkerde, ca da qiseykerdişê Selmaye seba televîzyonê MED Nûçe kerda.

 

Heyetê dadgehe dîyar kerde ke semedo ke Selma prosesê hukmkerdiş de poşman nêbîya, qerarê vurnayîşê cezaya pere ya zî taloqkerdiş nêkenê.

 

Dadgehe qerarê xo yê bi sebeb de ca da qiseykerdişê Selmaye zî. Heyetê dadgehe ke qiseykerdiş pêroyî de şîrove kerde, îdia kerde ke vatişê Selma heme bi îdiayan yenê meydan.

 

Avûkatê Selmaye Erhan Urkutî va derheqê muvekîla xo de eynî qiseykerdişî ra 13in Dadgeha Aslîyeya Amedî zî dewa ameya akerdiş û va ganî di dosya bibê yew. Dadgehe zî îdia kerde sûcî cîyayê û dosya nêkerdî yew.