ÎZMÎR - Sekretera Cinîyan ê  SESî yê Îzmîrî Semra Dogane bale ante ser ‘xesênîyayeyîşî kîmyewî’ û va bi amancê manîpulekerdişê têkoşînê cinîyan yeno kerdiş û dîyar kerde ke weşîye sey hacetêke ceza xebitnenê.

 

Sekretera Cinîyan ê SESî yê Îzmîrî Semra Dogane da zanayîş ke caardişê sey xesênîyayeyîşî de weşî sey hacetêke cezakerdişî yena xebitnayîş û va sey kedkarê weşîye hemverê ci yê.

 

Semraye ard ziwan ke bi camêrdê ke komîsyonê meclîse de ameyê awankerdiş no problem nîno çareserkerdiş û va: “Muxatabê esasê yê babete, rêxistinê cinîyan, rêxistinê LGBTÎ, TTB, sendîka, huqûqnas ê."

 

Semraye ard ziwan ke wezaretê dade no qanûnî bi îzahatê ‘Ma nê kesan dir eynî ca de manenê' wazeno rewa bikroe û sazgehê sey Weqfê Ensarî zî eynî partî ra yê. Semraye wina va: "Weşî nêeşkena bibo hacetêke ceza. Ma sey xebatkarê weşîye hemverê nê çî yê û ma nêwazenê bibê parçeyêke nê caardişî."

 

Semraye tewr peynî wina va: "Îstîsmar tena bi organê îstîsmarî nîno kerdiş. No semed ra xesênîyayeyîşê kîmyewî çareserî nîyo. Bi nê caardişan wazenê piştdayîşê cinî, têkoşîn û çalakîyê cinîyan manîpule bikerê."