Sozda Oremar

 

EFRÎN - Cinîyê Efrînî seba bombarduman şî Şehba û dîyar kerdî ke înan her dare zeytûne bi destê xo ramitê û ê do talankerdan rê nêverdê.

 

Hêrişê ke bi di hewteyo hemverê Efrînî de virazênê, şarî bajar terk nêkerd û bawerîya înan bi şerwanê YPG û YPJî esto. Cinîyê ke bi waştişê înan Efrîn ra vejyayî, nika Şehba de pawenê ke ageyrê.

 

Cinîya bi nameyê Zeynep Davute yew ê cinîyan ra û Zeynepe Bîrecîk de yena dinya û hema hîrê rojî yo keyeyê aye koç kerdo, bajar bi bajar geyrenê û tewr peynî yenê Efrîn. Zeynepe dîyar kerde ke çimsûran ê uca ra vetê.

 

'Ma do zî vajê vejîyê'

 

Zeynebe dewam de dîyar kerde ke ê seba ageyrê Efrîn cuyenê û wina va: "A ke ma kerd ma herre ma ya. Ma seba herre xo cuyayî. Çimsûran domanê ma, cinîyê ma qetil kerdî. Herra ma talan kerdî, heywanê ma diznay, keyeyê ma veşnayî. Ez vana ke wa ê xo vîr ra nêkerê. Ma do heqê çimsûrîye înan de vejyê."

 

Cinîya bi nameyê Eyşe Suleymane zî roja ageyrayîşê Efrînî pawena û wina qisey kerde: "Ma wayîrê Efrînî yê. Bi heme teknîkan hêrişê ma kerdî. Ma di aşmî têkoşîn kerd. Bi teyareyan bajar bombarduman kerdî. Seba ke çîyêk bi domanan nêbo ma koç kerd. Efrîn ê Kurdan o, ê ma yo. Ma her dare zeytûne bi destê xo ramit. Ma do talankerdoxan rê nêverdê."