ÎZMÎR - Endama PMî HDPî  Arîfe Çinare bale ante serê fotografê talankerdişê Efrînî û va çîyê ke yenê ciwîyayîş zîhnîyetê Tirkîya û qirkerdişê Mereş û Bosna zî vîr ardî.

 

Talanê Tirkîya û OSOyî hemverê Efrînî fotografan de ame dîyayîş. Serekê Pêroyîyê AKPî Recep Tayyîp Erdoganî bi vatişê ‘Hîn koman dir ferasetê sey ganîmet esto' talan îtîraf kerd û fotografê xesp û talankerdişî vet meydan. Endama PMî ya HDPî  Arîfe Çinare çîyê ke Efrîn de yenê cuyayîş, şibna qirkerdişê Mereşî yê 1978an de ame cuyayîş û şerê Bosna mabêne 1992-1995an de ame cuyayîş û va huqûqê şerî ameyo binpêkerdiş.

 

Arîfe wina dewam kerde: "Hûmarêke zafê xo Kurd ê estê. Uca de hetêk ra herre yena dagirkerdiş û hetêk ra zî her çîyê ke ziwanê ci çin o xesp kenê. Kerge kenê destê xo û sey serkewtişêke mojnenê ra. Ya zî traktore gênê wayîrê ci kişenê."

 

‘Dagirkerdişêke zafhet babeta vatişî ya'

 

Arîfe da zanayîş ke şer dagirkirkerdişêke zaf kîşt ardo û hemverê tarîxê şarê uca hêrişêke wehşî kenê. Arîfe wina va: "No şermê nê seserre yo. Do tarîx înan binusno. Û wexto tarîx înan binusno ma do erey bimanê."

 

‘Zîhniyetê xespî heme cayan eynî yo'

 

Arîfe peynîye qiseykerdişê xo de wina va: "Çîyê ke Efrîn de yenê cuyayîş zîhnîyetê Tirkîyayo. Tirkîya de zî rewşê wina hemverê demokrat, elewî, Rûm û muxalîfan virazênê. No qirkerdiş Mereş de zî ame cuyayîş. Bosna Hersek de zî wina bi. Ferasetê dagirkerdişî her ca de eynî yo."