MANÎSA - Dayîke yew hepsîyê ke Bandirma ra surgunê Manîsa ameyo kerdiş Mehmet Çoku, Şukrîye Çoku dîyar kerde ke hepsî hucre de yenê girewtiş û binê îşkence de yê.

 

20 hepsî Hepisxaneyê Tîpê T yê Hûmara 2 yê Bandirma ra surgunê Hepisxaneyê Tîpê T yê Akhîsar ê Manîsa ameybî kerdiş. Surgun 15ê Adare de virazyabi û ame zanayîş ke bê zanayîşê keyeyan û avûkatan ameyo kerdiş û hepsî ameyê derbkerdiş. Dayîka yew hepsîyê bi wesayîtê rîngî ameyî surgunkerdiş Mehmet Çoku, Şukriye Çokuye dîyar kerde ke dimayê surgunan hepsî kerdê hucre.

 

'Bi hewteyêke hucre de yê'

 

Şukrîye ard ziwan ke lajê aye 13 serre cezaya hepisxaneyî girewto û bi 10 serre yo hepsî yo, no prosesî de 4 rey ameyo surgunkerdiş û wina va: "Bê zanayîşê ma surgun kerdî. Ma rayîrê hepsîyêke bîn de zanayîş girewt. Hewteyêke dimayê surgunkerdişî ro mi geyra. Mi ra va 'bi hewteyêke yo uca de îşkence vînenê' û va dimayê telefonî zî înan kerdê hucreyê yew kesî."

 

'Ma do xo ver bidê'

 

Şukrîye da zanayîş ke do hemverê îşkenceyan xo ver bidê û wina va: "Heme hepisxaneyê newe de nê çî yenê ciwîyayîş. Verê 5 hepsî ameybî surgunkerdiş. Nika bi şîyayîşê înan dir bî 25 hebî. La hepisxane seba 100 kesan o. Heme çî ma ra nêvatî. La rastê caardişê bîn zî ameyê. Wexto ke newe şîyê rastê cigêrayîşê viran ameyê û semedo ke hemverê nê çî vejyayê ameyê derbkerdiş. Hewteyo ewil heme ameyê îşkencekerdiş. Nika zanayîşê yewî ê bîn ra çin o. Hemine kerdê hucreyê yew kesî. Ma nika nêzanê çi înan rê kenê."