Fîlîz Zeyrek

 

EDENE - Cinîyê Endamê Keyeyê Şaran ê Edene, seba kîra bidê, felkiq û nanê tewqe virazenê, roşenê û girîngîyê piştdayîş reyke bîn mojnenê.

 

Cinîyê endamê Keyeyê Şarî Çukurova yê  Edene taxa Beyaz Evler, cayêke kîra kerdî û tede felkiq û nanê tewqe virazenê û roşenê. Cinîyan bale ante ser girîngîyê piştdayîşî cinîyan û vatî bi no hawa xeylê problemê cinîyan zî çareser kenê.

 

'Ma problemê xo yê ekonomî zî çareser kenê'

 

Mezîyet Aytaçe arde ziwan ke ameyîşê têhet û hem zî bi ruhê piştdayîşî problemê xo çareser kenê û no zî înan kêfweş keno û wina va: "Seba şîyayeyê xo vejî çareserîyan aver bena. Bi di serre yo ma bi sîparîşan xebityenê. Ma endamê ke wazenê piştdayîş bidê ma sîparîşan danê. Ma nanê xo ardanê genim ra viraznenê. Organîk o. Tehmê ey zaf weş o. No semed ra zaf waştiş kenê. Vayîya ma zî zaf baş ê û ma pêşnîyarê her kesî kenê."

 

'Cinîyê endam şansê rêxistinbîyayîşî zî vînenê'

 

Bîlgun Şahîne bale ante ameyîşî têhet ê cinîyan û wina va: "Bi cinîyan dir ameyîşî têhet mi zaf kêfweş keno. Tewr girîng zî cinîyê endam tîya birêxistin benê. Hetêke ra nan danê piro, hetêk ra zî ma planê xo kenê. Ma zaf çî musnayî yewbînan. Cinî bi piştdayîşî problemê xo çareser kenê."

 

'Ez yena verê cinîyan'

 

Meryem Gurgeze zî ke seba piştdayîşî ameya verê cinîyan, ewnîyayîşê xo wina va: "Ez zî seba piştdayîşê embazanê xo ameya tîya. Ez zaf kêfweş a. Ma zaf problemê pîya çareser kenê. Vera ke ma keye de binişnê ro, ma bi embazê cinîyan dir pîya çîyan kenê. Ez nê piştdayîşan pêşnîyarê her kesî kena.