Felek Mûsa 

 

EFRÎN - Hemsereka PYDî Ayşe Hiso derheqê xoverdayîşê serdemê Efrînî de ard ziwan ke xoverdayîş kewto qonaxêke newe û do şarê Kurd bi hêzê cuya hezar serre, bi hêzê îradeyê Hesinkar Kawa têkoşînê xo dewam bikero.

 

Hemsereka Partîya Yewîya Demokratîke (PYD) Ayşe Hiso derheqê xoverdayîşê serdemê yê Efrînî de ard ziwan ke xoverdayîşî serdemî de bi hemleyê newe dewam bikero û hemverê bêvengîya hêzê mîyanneteweyî û rêxistinê heqê merdiman têkoşînê şarê Kurd do bibo cewabo tewr xurt.

 

Ayşe Hiso bale ante ser asayîşê sîvîlan û va: "Hemverê heme çekê dewleta tirkî yê giran şarê Efrînî xoverdayîşêke bêhempa meşnayî. Şar heta peynî herra xo terk nêkerd. Asayîş  û pawatişê şarî seba ma zaf girîng o. Ma seba asayîşê şarî dest bi qonaxêke neweyê serewedartişî kerd."

 

'Hemverê çek û qirkerdişan hêzê şarî serkewte bi'

 

Ayşe Hiso dîyar kerde ke artêşê dewleta tirkî hêzê NATOyî bêvengîya dinya ra hêz girewtî û wina dewam kerde: "Semedo ke dinya bêveng mende dewleta tirkî bi heme çekê xo yê averî hêrişê şarê Efrînî kerde û bî sebebê xeylê kiştişê sîvîlan. Pêwa heme teda û zordestîyan Efrîn de hemverê hêrişê dewleta tirkî, hemverê çek û qirkerdişan şar serkewte bi û bi sebebê xoverdayîşêke bêhempa."

 

'Têkoşîn temînatê sibarojî azad ê şaran o'

 

Ayşeye bale ante ser têkoşînê hemverê çeteyê DAÎŞî û wina va: "Hêzê YPJ/YPG û QSDî hemverê DAÎŞî şerêke pîl da û serkewte bi. La ewro dewleta tirkî hemverê hêzê ke DAÎŞî berd şer kena. Na bandurêke negatîf serê heme dinya kena. Ganî hemverê nê çî reaksîyonê zelal bido, çunke DAÎŞ seba heme dinya tehdîdêke pîl bi. Ma do hemverê hişmendîyê DAÎŞî hem zî hemverê hişmendîyê îqtîdarê dewleta tirkî têkoşînê xo dewam bikerê. Çunke têkoşîn temînatê sibarojî azad ê şaran o."

 

'Efrîn hêvîye sibarojêke azad o'

 

Ayşe peynîye qiseykerdişê xo de sozê xo seba xoverdeyoxan newe kerde û wina va: "Xoverdayîşî şarî û şerwananê ma yê Efrînî bi nimûneyêke giranbiha. Ma soze danê xoverdayoxanê xo û şarê xo ke heta ma Efrîn bixelisnê ma do têkoşînê xo dewam bikerê. Xoverdayîş kewto qonaxêke newe û şarê Kurd bi hêzê cuya hezar serran, bi hêzê îradeyê Hesinkar Kawa têkoşînê xo dewam bikerê. Çunke Efrîn hêvîya sibarojêke azad o."