ŞIRNEX  - Cizîre de şar heme teda û astengîyan ra cinîyê ke meydanê Newroze de bi reng û lîlnayîşê xo ca girewtî, bale antî ser tecrîdê Raberê PKKî Abdullah Ocalan û  dagirkerdişê Efrînî û vengdayîşê yewîtî kerdî.

 

Pîrozkerdişê Newroze ke Cizîreyê Şirnexî ame kerdiş de, babeta cinîyê Botanî de tecrîdê serê Rayberê PKKî Abdullah Ocalan û dagirkerdişê Efrînî yê hetê dewleta tirkî û çeteyê aye. Cinîyê botanî vatî ke tu cîyayê hêriş û dagirkerdişê Efrînî hedîseyê ke verê di serran Cizîre de qewêmyay çin o û vengdayîşê yewîya neteweyî cinîyan rê kerdî.

 

'Beton zî serê ma de birijnê ma do xo ver bidê'

 

Cinîyê ke bi heme coşê xo meydan de bî Xunav Ersene wina va: "Dimayê ke bodruman de ma veşnayî, înan va do êdî nêeşkê Newroze pîroz bikerê. La nê ke ma biveşnê eke beton zî bikerê serê ma ma do reyna sere wedarnê. Wa baş bizanê. Înan va ibin. 'Ma kesê sey Mehmet Tunç û Asiya kişt kes nêmend'. La ma son wendê ke ma do her ca de bê. Vizîrî zulmê ke ma amekerdiş ewro Efrîn de yeno kerdiş. La ma do sere nêtewênê."

 

'Ma tecrîd şermezar kenê'

 

Xunava bale ant ser tecrîdê Rayberê PKKî Abdullah Ocalanî û wina va: "Ma tecrîdê serê serekê xo şermezar kenê. Ma do hemverê kesê ke Efrînî dagir kerdî û rayberê ma tecrîd kerdî xoverdayîşê xo dewam kenê. Heta dilopêke gonîya ma estbo ma do xo ver bidê."

 

'Şarê Efrînî zirar nêda tu kesî'

 

Cinîya bi nameyê Gurbet Çagdavule zî bale ant ser  girîngîyê yewîya neteweyî kurd û nê çî va: "Verê heme astengîyan ma waran de yê. Çi zirarê şarê Efrînî esto? Efrîn herra Efrînîyan o. Mîrasê kal û pîran o. Eke kesêke bêro to keyeyê to ra vejo? No dagirkerdiş o. Wexto ke merdim şewêke zî bi meymanî cayêke maneno xo nêkeno çimê merdimî. Sey ke no zî bes nêbo bi seyan sivîl ameyî kiştiş."

 

'Ma do xoverdayîşê xo dewam bikerê'

 

Amîne Pîşkîne zî bale ante ser hêrişê dewleta tirkî yê serê Efrînî û wina va: "Ma wazenê zulmê ke kurdan yeno kerdiş bi peynî bo. Ma do seba Efrînî serê lingan de bê û Efrîn înan ra bigîrê. Do xoverdayîşê ma heta azadî dewam bikero."

 

'Ganî ma wayîrê Efrînî vejyê'

 

Cinîya bi nameyê Fazîlet Malgaze zî va ke wa tecrîdê serê Rayberê PKKî Abdullah Ocalanî peynî bo û wina va: "Ma wazenê ke serekê ma verê ma de bo. Ma kurdî wazenê ke azad biciwîyê. Ganî ma wayîrê Efrînî vejênê. Efrîn Kurdistan o. Ma şarê Efrînî baş fam kenê. Semedo ke Efrîn keye de bimanê ganî her kes vengê xo berz bikero."