ŞENGAL - Kedkara Çapemenîya Azad Tuba Akyilmaze bi nasnameyê Nûjîyan Erhane 3ê Adara 2017an de Xanesorê Şengalî de hêrişê dewleta AKPî û PDKî de birîndar bî û 22ê Adara 2017an de cuya xo vinî kerde, serrêke serê qetilkerdişê aye de derbaz bi. Embazê aye çapemenîya azad ke Şengal de aye dir xebityayî, hewl dayî qerar û serkewtişê Nûjîyan Erhane qalî kerdî. Embazê aye wina va: "Ma sey embazê Nûjîyane, soz danê ke ma do rêçe aye de şêrê. Tena Şengal nê, zulm ça bibo ma do uca de bê û vengê heqîqetî berz bikerê.

 

Ehlam Hecî destêpêkê qiseykerdişê xo de heme şehîdê çapemenîya azad vîr anê û va aye xêrê Nujîyan Erhane mîyanê xebatê çapemenî de ca girewto û wina va: "Mi mektebe wendêne. Amî mi dir munaqaşe kerd, ez qeneh kerda û mi xêrê aye dest bi xebate kerde. Çîyo ke bale mi antêne a bi ke hemine dir sohbet kerdêne. Her wext vatêne heqê cinîyê Êzidî seba heme çî esto û gerek reng û vengê xo bido eşnawitiş. Ma dir munaqeşeyê wext derg kerdêne. No hewldayîşê aye hemine ra meyne vînayîş. Hewldayîşê aye bi sebeb ke ewro heme şar Nûjîyane sey kêna xo bivîno."

 

Ehlame serê hewldayîşê Nûjîyane de wina va: "Tewr peynî hêrişê Xanesorî de reyna embaza Nûjiyane cepheyê vernê de bî. Rojêke verê a roje ma şîbî Rojawan. Senîn hedîse pêhesîya ageyra û batanîyêke girewte û ma şî cayê hedîse. Seba halê îstîsn aher wext amade bî. Seba hêrişê hemverê Ezidiyan dinya rê biresno, uca de bî. Vatêne ‘do na rey wina bi rehetî nêrê, ma estê. Do rastî bêro mojnarayîş.' Hêrişê yewin de embaza ma Nûjiyane hedef girewtî. Mabêne birîndarbîyayîş û şehadetê aye 23 roj esto. No zî mojneno ke çiqasa xoverdayox a û xo ver da. Bi hewldayîşêke pîl labelê ma aye vinî kerde."

 

Delîla Axîne zî heme kesê ke rayîrê heqîqetî de cuya xo vinî kerdî vîr arde û bale ante serê girîngîyê xebatê Nujiyane û wina va: "Şehîd Nûjiyane seba ma sembolêke qîrînayîşê cinîyê  Şengalî dayê eşnawitişî ya. Seba qîrînayîşê cinîyan biresno dinya kedêke pîl da. Wexto ke mi newe nas kerde mîyanê xebate ciwanan de bî. Senîn êmî dî ez bi bandure bîya. Çi bibayne wa bibayne pey rastî de bî."

 

Delîla Axîne dewam de wina va: "Hemleyê azadkerdişê Şengalî de ca girewte û cepheyê vernê de ca girewte. Bî vengê cinîyê Êzidîyan. Ma zî soz danê embaza Nûjîyan ke ma do rêçe aye de şêrê. Sey aye kerdo ça beno wa bibo ma do vengê heqîqetî berz bikerê. Ma do bibê vengê heme cinîyan."

 

Sarîna Şemo zî dîyar kerde ke aye dimayê qetilkerdişê Nûjiyan Erhane beşdarê xebatê çapemenîya azad bîya û va: “Ez bi şehîd Nujîyane dir nêmenda. La dimayê şehadetê aye ez beşdarê  xebatê çapemenîya azade bîya. Şehadetê aye zaf bandure serê mi de kerd. Semedo ke mîyanê şarê  Êzidî de zaf ameyne heskerdiş. Cinîyê Êzidî zaf qalê aye kerdêne."