MÊRDÎN - Nisêbîn de H.A yo ke ê qedexeyê tebervejyayîşê kuçeyan de ame tepiştiş, binê îşkenceyî de çimêke xo vindî kerd. H.A yo çimêke ey bîn de zî parçeyê şarapnelî esto, semedo ke nîno dermankerdiş, bi tehlûkeyê ke vindî bikero rî bi rî yo.

 

Nisêbînê Mêrdînî de qedexeyê tebervejyayîşê kuçeyan de 26ê Gulana 2016 de taxê ke pêrodayîş dewam kerdêne, 76 kesî dimayê ke ameyî tahlîyekerdiş, 17ê xo domanî 67 kesî bi îşkenceyan îfadeyê înan amebi girewtiş û derheqê înan de 19 aşmî dima ra îdianame ame amadekerdiş û cezaya muebetê giran amebi waştiş. Kesê ke ameyî tepiştiş û hîrê rojan binê îşkence de mendî, hema rêçe îşkenceyî serê xo de hewênenê.

 

Dermankerdiş nîno qebulkerdiş!

 

H.A wexto ke ame tepiştiş 15 serre bi û seba îşkenceyê ke vîna çimêke xo vindî kerd. H.A yo ke vernê de berdî Hepisxaneyê Tîpê E yê Mêrdînî, dima ra surgunê Hepisxaneyê Tîpê D yê Amedî kerdî. Dimayê ke ame surgunkerdiş dima ra, H.A seba dermankerdişî waştişname nuşt la nêame qebulkerdiş.

 

Çimo bîn zî derman nêkenê!

 

H.A pêvînayîşê bi keyeyî dir de dîyar kerd ke çimê xo yê bîn ke parçeyê şarapnelî gina yo  piro zî nêrehet o û va bi di serre yo ne çimê xo ra ne zî seba birînê ke bedenê ey de abîyê nêameyo dermankerdiş û va dimayê îşkence heme bedenê ey nêm girewto. H.A ard ziwan ke seba çim û birînê bedenê ey tena berdê revîr û va revîr de tena dejbirnaye dayê ey.

 

'Wexto ke newe ame tepiştiş çîyêke ey çinbi'

 

Merdimê H.A dayî zanayîş ke wexto ke newe ameyo tepiştiş tu çîyêke ey çinbîyo û wina vatî: "La dimayê tepiştişî wexto ke avûkatê xo vînabi rîyê ey nêameyne naskerdiş. To vatêne qey qedexe çimê ey de ya. Hende werimyabi. Dimayê îşkence qet nêame dermankerdiş. Çimêke ey nêvîneno. Çimê ey bîn zî birîndar o. Pêwa nê çî nêbenê nêweşxane."

 

Roniştişê diyîn 10 Nîsane de yo

 

H.A di serre dima bi 16 domanan dir 9ê Çele de vejya roniştişo diyîn. H.A o bi muebeto giran yeno hukmkerdiş, îfadeyê binê îşkence de dabi zî heme peyser ant. H.A 10ê Nîsanê de ke roniştişê diyîn de virazyo do biko 17 serre yê xo.