WAN - Wekerdişê adirê Newroze rê çend roje mend û Wan de her kuçe, her keye nika de germbîyayîşê Newroze ciwîyenê. Kîtan Dumane kofîyê viraznena veng da cinîyan û wina va: "Serê perîn û fîstanê xo, kofîyan bidê serê xo. Bê kofîyan nêşêrê Newroze.”

 

Seba Newroza ke do Parkê Kulturê ê Keleya Wanî bêro pîrozkerdiş. Xebate bêmabên dewam kenê. Kîtan Dumane 55 serre yo taxa Esendere Îpekyolê Wanî de cuyena, kofîyê ke xişirê adetê şarê Kurdan viraznena. Kofîyê ke serê perîn û fîstanan de danê sereyê xo, goreyê mintiqan bi reng û neqşê xo vuryenê.

 

Kîtane kofî heta roja ma ya ewro arda, serrê 90an de dewa Kawala Colemêrgî ra koçê Wanî kerda. Kîtane bi viraştişê kofîyan hem pereyê xo qezenc kerdo û hem zî adetê xo daw ciwîyayîş û Kîtane wina va: "Dimayê koçkerdişî ma hetê ekonomî de problemê pîl ciwîyayî. Ma hamey na taxe û mi qerar da ke ez keda destê xo bidî dewamkerdiş. Ma hewcey kesî nêbî. Mi domanê xo dayî wendiş. Kofî xeylê zehmet a. Ez dîyarîyê meymananê xo zî kena. Seba ke no kultur bidî ciwîyayîş ez xeylê hewl dana."

 

Kîtane ard ziwan ke semedo ke Newroze ya nika ra xeylê sîparîş girewtê û wina va: "Ez veng dana cinîyan. Wa Newroze de serê perîn û fîstînan kofî bidê sereyê xo. Hetê dîyayîşî de zî zaf weş a. Kurdî wayîrê kulturêke dewlemend ê. Ma cinî wayîrê kulturê xo vejyê. Ez Newroza her çar parçeyê Kurdistanî pîroz kena. Wa wayîr Newroze vejyê."