Fîlîz Zeyrek

 

EDENE - Cinîyê Edene dîyar kerdî ke ganî şarê Kurd cayê ke ciwîyenê biherikê warê Newroze û vatî sey her serre bi rengê wisarî warê Newroze de bê.

 

Semedê pîrozkerdişê Newroze ke do bi sloganê 'Ma bi ruhê Newroze xoverdayîş pîl bikerê, Efrîn de serkewte bê' do bêro pîrozkerdiş. 25 bajarî bi hawayêke hemdem amadekarî dewam kenê. Nê bajaran ra zî Edene yo. Cinîyê Edeneyijî dîyar kerdî ke Roja Newroze do bibo roja Efrînî û heme şarî dawetê Newroze kerdî.

 

Cinîya bi nameyê Şukrîye Uçare va Newroze nameyê xoverdayîşî ya û wina va: "Newroze roşanê Kurdan o û bi taybet gerek wayîrê na Newroze bêro vetiş. Semedo ke ma şarê Kurd prosesêke zehmet de derbaz benê. Bi seyan ciwanî qetil kerdî. Tepiştişnayî, tewqîfkerdeyî. No semed ra ma Newroze de bibê yew."

 

Şukrîye da zanayîş ke sey her serre do cinî bi rengê xo warê Newroze de bê û va roşanê  heme Kurdê bi rûmet pîroz kena.

 

'Ganî şarê Kurd biherikîyo waran'

 

Leyla Atake zî da zanayîş ke ganî şarê Kurd beşdarê pîrozkerdişê Newroze bibê û wina va: "Newroze seba ma Kurdan xeylê girîng û manayîn o. Gerek heme Kurdî wayîrê Newroze vejyê. Ma her roje binê tedayan de ciwîyenê. Hewl danê ke xoverdayîşê ma bişiknê. Hemwelatî êdî nêeşkenê sereyê xo wedarnê. Ma do bi heme rengê xo beşdarê Newroze bibê. Bêro qedexekerdiş zî ma do serkewte bê."

 

'Coşê Newroze do bibo roja azadîya Efrînî'

 

Sultan Îke ard ziwan ke do Newroze bi coşê 8ê Adare pêşwazî bikerê û va coşê Newroze do bibo roja azadîya Efrînî. Sultane veng da heme cinî û Kurdan kerde ke wa nê tedayan ra vajê bes o û ganî şer bidê vindertiş.

 

Gulê Sonmeze zî dîyar kerde ke yew Kurdêke zî bimano do wayîrê Newroze û rûmetê xo vejyê û wina va: "Ma do cilê xo yê tewr weş bidê xo ra û şêrê warê Newroze. Bi çend serre yo yeno qedexekerdiş û destûr nîno dayîş. Se kenê wa bikerê ma do fek adetê xo ra vera nêdê. 7an ra heta 70 serran ma do beşdarê Newroze bibê."