MÊRDÎN - Şarê Nisêbînê ke hemverê gule û panzêran bedenê xo kerdî mertal, do bi ruhê 92an vejyê meydanan. Şahida nê rojan Kumrî Pîşkîne va: "Ma bi ruhê 92an vejyê waran. Sey a roje wexto ke adir bêro wekerdiş ez do zî ware de bî."

 

Serra 1992an de şarê Nisêbînî hemverê hewldayîşê qirkerdişî vera Newroza Cizîre, sere wedarnayî. Şarê Nisêbînî ke no semed ra bi guleyan ameyî gulevarankerdiş û bi panzeran ameyî dorpêçkerdiş, serewedartişê xo yê tewr girs cuya.

 

Hemwelatîyê  Nisêbînî seba ke qirkerdişê Cizîre şermezar bikerê 22ê Adare de vejyayî waran. Derûdorê hemwelatîyan bi panzêran ame dorpêçkerdiş. Hemwelatîyan hemverê panzêran serê pire de çalakîya roniştişî viraştî. La panzer serê şarî de şî. Şar semedo ke eştişê guleyan û binê panzere de nêmanê xo eştî awe Çemê Çagî. Hedîseyê 22ê Adare de Nisêbînî ame ciwîyayîş hema zî domanan ra yeno vatiş ke û bi qasê yeno zanayîş o wext 22 kesî Nisêbîn de ameybî qetilkerdiş.

 

'Cinîke vernîye panzêre de vindert'

 

Cinîya bi nameyê Kumrî Pîşkî ke şahidê nê rojan bî va ê qetî ê rojan nêkenê xo vîr ra û wina va: "Hedîse verê keyeyê mi de ame ciwîyayîş. Roja ewilê Newroze ma roşanê xo pîroz kerd. Roja diyîn zî semedê hedîseyê Cizîre şar vejya waran. Heme ver bi warê Newrozê de şî. Dimayê ke ê kom bî panzêre ameyî. Şar serê pire de bi. ŞAr vernîye panzêran de niştî ro. Leşkeran vatî 'wirzê' mi zî ê temaşe kerdêne. Leşkeran va ke 'eke şima nê wirzê panzere do serê şima de bêro'. Şar nêwişt û  û wesayîtê leşkeran serê şarî deşî. Cinîyêke destê xo akerd û xo eşt vernîya panzêre. La panzêre serê şarî de şî. Reyke de şarê serê pirî ameyî gulevarankerdiş.

 

'Hesire çiman nêameyne warî'

 

Sey erdlerzî bi. Her kes serê pirde de mendib. Her ca panzêre estbî. Mi cinîyêke mîyanê awe de dî. O wext awe zaf bî. Nîmeyê destê aye birîndar bi. Fistanê aye serê aye girewtib. Kesî nêwaştêne bigîro zî. Her kesî sere wedartêne. Cinîyêke bîn zî mîyanê awe de bî. Merdiman xo eştêne mîyanê awe. Bi desan kesî uca de mîyanê awe de ameyî qetilkerdiş. Her ca de cenaze estbî. Ma cenazeyan mîyanê awe ra Qamişlo de vetêne. Awe zî bi herre bî.

 

'Ez qetî xo vîr ra nêkena'

 

Serê pirde de heta kesêke mend înan gulevaran kerdî. Xora nêweşxane de zî gule ameyne eştiş. Gule vera dayne awe zî. Di saetan de cuya merdiman wêran bî. Dejêke pîl bi. Her roje her saete vîrê mi de yo."

 

'Ma bi ruhê serewedartişî vejyê waran'

 

Kumrîye da zanayîş ke şarê Nisêbînî seba teda û pêrodayîşan bi di serre Newroze pîroz nêkenê û va: "Ez veng dana heme kesan ke bi ruhê a roje vejyê meydan. A roje bi desan kesî ganê xo kerdî mertal. Nika zî 21ê Adare de meydanan de bê. Ma bi ruhê 92an biherikê waran."