ENQERE - Hepisxaneyê cinîyan ê Sîncanî heme heqê hepsîyan hetê îdareyî ra ame astengkerdiş û Bahar Demîre seba dewaya MKPî tepişnayîya, cigêrayîş de seba vatişê ‘Kurdistan’ xebitnaw rastê hêrişê gardîyanan ameya.

 

Alev Yarara MKPî ya Hepisxaneyê Cinîyan ê Sîncanî de ya bi nameyêke îhlalkerdişê heqan yenê cuyayîş va. Name de ame dîyarkerdiş ke provakasyon, xespkerdişê heqan, caardişê kêf û îşkence bi KHKyan asayî bîyê û wina va: "Sey her hepisxaneyî tîya de zî problem yenê cuyayîş. Hûmara cil û rengê înan bi sînor bîyê. Cigêrayîşê kêfî yenê kerdiş. Hacetî yenê vilakerdiş û kitab û rojname sînor bîyê. Pêvînayîşê telefonî 15 rojan reyke yeno kerdiş û heqê ma yê 3 kesan pêvînayîşî ameyne kerdiş zî ameyo xespkerdiş."

 

'Xeylê heqê ma yenê xespkerdiş'

 

Aleve bale ante serê heqê înan yenê xespkerdiş û va antiş fotografan, spor, kitapxane û bernameyê komelî ameyî destpêkerdiş û va 3 aşmî yo heqê sohbetî ameyo xespkerdiş û va ê zî nê halî protesto kenê û sloganan berz kenê û çalakîyan kenê.

 

'Rastê hêrişê gardîyanan amî'

 

Aleve va seba protestokerdişî xeylê rastê cigêrayîşê dîsîplînî ameyê û va semedê nê  protestokerdişan xeylê cigêrayîşê dîsîplînî ameyê akerdiş û wina va: "Hewteyê vîyarte de embaza Bahar Demîre seba cigêrayîş şî ke pawitişê xo bikero la semedê vatişê Kurdistan xebitna îdareyê hepisxaneyî "helwestê nîjadperest mojna ra û bi talîmatê mudiran hetê gardiyanan ra ameya derbkerdiş. Ma caardişê cilê yew reng red kenê û destur nêdanê xespkerdişê heqê ke bi bedelê giran ameyê girewtiş."