Habîbe Eren 

 

ENQERE - Avûkat Ceren Şîmşeke bale ante serê îstîsmaro zayendî yê sey nêweşî yeno destgirewtiş û dîyar kerde ke no îstîsmarî normal keno û no semed ra xesênîyayîş çareserî nîyo û wina va: "Problemo esas o yo ke qanûn bi ca nînê."

 

Reaksîyonê hemverê qanûnê xesênîyayîşî seba  sûcê zayendî dewam kenê. Avûkat Ceren Şîmşeke derheqê babete de şîrove kerde û va ke verfekê hukmatî Bekîr Bozdagî sey 'Babeta mîyanê şarî de sey xesênîyayîş yeno zanayîş do bibo qanûnî. Kesê ke sucê înan îstîsmaro zayendî esto do hîn meslekan de nêxebityê' ard vîr û va xesênîyayîş bi tu hawa nêbeno çareserî. 

 

Cerene dewam de ard ziwan ke kesê ke nê sucî kenê dermankerdişêke bêro destpêkerdiş, hemverê ey de bêro vatiş ke no nêweş o û na rewşe zî normal bêro vînayîş, la îstîsmar, tecawiz, nê suc ê, na babeta zîhnîyetî ya.

 

'Têkoşîno topyekun lazim o'

  

Cerene da zanayîş ke bi munaqeşekerdişan xesênayîş dir ame vînayîş ke na çalakî sey şîdetê zayendî nîno dest girewtiş û va: "Seba sucê îstîsmarî ne xesênîyayîş ne daleqnayîş nêbenê çareserî. Problemêke sereyîn ê zîhniyetî yo. Tena bi cezakerdişê gumanbar dosya nîna girewtiş. Merdimî eşkenê senîn vernê ci bigîrê. Hemverê nê çî têkoşînêke topyekun lazim o."

 

Cerene dewam de ard ziwan ke AKP wexto ke îstîsmar qisey keno zîna zî eynî babete de munaqaşa keno û no zî problemêke pîl o. Cerene wina dewam kerde: "Zîna babetêke huqûqê ceza eleqedar keno nîyo. Semedo ke di kes bi waştişê xo konê têkilî û dewlete nêeşkena beşdarê nê çî bibo. no ancax eşkeno bibo sebebê veradayîşî. Ardişê têhet de bi zanebîyayîş o. Ganî sîstemê bêcezabîyayîşî meydan ra bêro wedartiş. Hemverê nê zî têkoşînêke topyekun lazim o."