MERKEZÊ XEBERAN - Hemsereka Rayberîya Federasyonê Demokratîk ê Vakurê Sûrîye Foza Yusuf, dîyar kerde ke vengdayîşê seferberî 4 parçeyê kurdistanî û şarê teberê welat kerd ke dorê welat ke dorê Efrînî bibê xeleke.

 

Hemsereka Rayberîya Federasyonê Demokratîk yê Vakurê Sûrîye Foza Yusuf, derheqê averşîyayîşê peyînan yê Efrînî de qisey kerde. Foza dîyar kerde ke sere de Rûsya hêzê mîyanneteweyî qirkerdişê serê şarê sîvîl yê Efrînî berpirsîyar ê.

 

'Şarê Efrînî bi qirkerdişê dir rîbirî yê'

 

Foza ard ziwan ke Efrîn hemverê Erdogan û DAÎŞî ser nameyê heme merdimayî ver xo danê û merdimayî xo ver danê û wina va: "Şarê Efrînî û lehengê ey roja 51ine de hemverê dişmin xoverdayîşêke tarîxî meşneno. Nika Efrîn hetê Tirkîya û komê girêdayê aye de yenê  dorpêçkerdiş. Şarê Efrînî bi qirkerdişan dir rîbirî yê. Amancê Erdogan o yo ke bi sehezaran hemwelatîyê sîvîl yê Efrînî qirkerdişan ra derbaz bikero û demografîyê Efrînî bivurnê. Wazeno ke Efrînî radestê komê çete bikero." 

 

Vengdayîşê seferberî

 

Foza dewamê qiseykerdişê xo de seba Efrînî vengdayîşê seferberî kerde û wina va: "Ez veng dana 4 parçeyê Kurdistanî û şarê ma yê teberê welatî seba Efrînî seferber bibê. Ewro Efrîn beno ke bibi sey Minbic. Erdogan seba ke Efrîn qirkerdişan bikero şarê Gutayî rot. No semed ra gerek şarê ma yê Vakurê Sûrîye heme wirzê serê lingan û nê sûcî ra vajê nê."

 

'Do xoverdayîş biserkewo'

 

Foza Yusuf qiseykerdişê xo wina qedêna: "Ma heme şarê xo rê û merdimayî ra vanê ke rayberîya fermandarîya Awesta û Îlane de xoverdayîşê ma dewam bikero. Do xoverdayîş serkewte bibo."