Duygu Cînîvîz

 

AMED - Sekretera Cinîyan ê SESî yê Amedî Rozerîn Çatake dîyar kerde ke ganî weşîye ruhê cinîyan çarçeweya heqê cuyayîşî de dest bêro girewtiş û hemverê prosesê travmatîk vengdayîşê piştdayîşî cinîyan ame kerdiş.

 

Sekretera Cinîyan ê SESî yê Amedî Rozerîn Çatake dîyar kerde ke ganî weşîya ruhê cinîyan çarçeweya heqê ciwîyayîşî de dest bêro girewtiş bandure şerê  psîkolojîk yê serê cinî û komelî şîrove kerde.

 

Rozerîne ard ziwan ke seba rewşe şerê Tirkîya no psîklojî reyna ameyo rojeve û va: "2015 de bi xoverdayîşê rêveberîyê xoser şerê bajaran ameyî cuyayîş. Bi seyan kesî hîrê aşman de keyeyê xo de mendî û  nêvejîyayî. Bê awe, ceyran bi rojan binê bombarduman de cuya xo dewam kerdî. Dimayê hewldayîşê derbe zî, derbeyê sîvîl kerdî dewre û halo îstîsna îlan kerdî. No semed ra travmayêke pîl ame ciwîyayîş. 

 

'Netîceyê travmatîk ameyî ciwîyayîş'

 

Rozerîne ard ziwan ke bi taybetî cinî û domanî bi hawayêke cidî binê bandure şerî de mendê û hetê psîkolojîk de travmayê cidî ciwîyayê û va: "Hîn cinîyan muracatê psîkologan kerdî. Hîn zî warê rêxistinbîyayîşî de têkoşîn kenê. Sûr de travmayê pîl ameyî ciwîyayîş. Bi taybetî zî domanan travma cuyayî. Vengkerdiş, rijnayîş û çinkerdişê kulturê taxe netîceyê travmatîk akerd."

 

'Sazgehê cinîyan ê muracat bêrê kerdiş nêmendî'

 

Rozerîne da zanayîş ke bi OHALî dir sere de cinî û bi taybet şarê Amedî prosesê hepisxaneyê akerde cuyayê û wina va: "No semed ra serê heqê cinîyan tedayê cidî estê. Cinî hepsê keyeyê ameyî kerdiş, rastê tedayê, pî, bira û mêrdeyê xo ameyî. Hemwelatîyê ke ameyî koçkerdiş problemê ekonomî û kulturê ciwîyenê. Hûmara muracatê klînîkan zêde beno. La piştdayîşêke zaf bi cinîyan dir nîno kerdiş. Sebebê nê zî tayînkerdişê qayûman û padayîşê sazgehan bi. Sazgehê ke cinî muracat bidê nêmend. No semed ra problemêke kûr beno."

 

Rozerîne ard ziwan ke eynî proses Nisêbîn, Şirnex û Cizîre zî kerdê dewre û va vatişê zayendperest yê hemverê cinîyan, şîdetê psîkolojîk cinîyan ca ardê. Rozerîne peynîye qiseykerdişê xo de va ke seba ke cinî hêrişan veng vejê, ganî bêrê têhet û têkoşîn û ruhê piştdayîşê pîl bikerê.