KOBANÊ - Cinîya bi nameyê Helîme Osmana Kobaniyîje xeyalê xo  yê pawitişê welatê xo bi ca ana û seba aramîya şarî têkoşîn kena.

 

Cinîya bi nameyê Helîme Osmana Kobaniyîje hemverê zîhnîyetê îqtîdarî ke hezar serran o dewam keno xo ver dana û hemverê tedayan welatê xo pawena. Helîme Asayîşê Kobanî de xebityena û wayîrê 5 domanan a. Helîme derheqê pawitiş û heskerdişê hemverê welatê xo dîyar kerde ke ê bi zerrîya ke germ û bi têkoşînêke pîl wayîrê Kobanî vejêna. 

 

'Ez çîyêke xo rê sey asteng nêvînenê'

 

Helîme ard ziwan ke aye tu çîyêke hemverê caardişê xeyalê xo sey asteng nêvînena û wina va: "Ez zewicyawa û 5 domanê mi estê. La ez nê çî xo rê sey asteng nêvînena, ez bi hêviyêke pîl xeyalanê xo wayîr vejyawa û nika zî pawitişê Kobanî de cayê xo gêna."

 

'Ganî heme cinî seba xeyalê xo têkoşîn bikerê'

 

Helîme dîyar kerde ke seba bireso xeyalê xo aye bi serran têkoşîn daw û va: "Ganî heme cinî seba biresê xeyalê xo têkoşîn bikerê. Çunke têkoşîn hêvî geş keno, sibarojê şaran zî roşn keno. Cinî û şarê Rojawanê Kurdistanî bi serran o seba cuyake azad û hempar têkoşîn kenê. Ez qetî fek xeyalanê xo ra vera nêdana û ez do têkoşînê xo heta peynî dewam bikerî."

 

'Xopawitiş heqê ma yo tewr rewa yo'

 

Helîme ard ziwan ke xopawitiş heqo tewr rewa yo û wina peynîye qiseykerdişê xo ard: "Ganî heme cinî pawitişê xo yê rewa bikerê ke ma hemverê mêtingerî vinî nêkerê û ma welatêke azad û xoser domananê xo rê verdê. Xopawitişê rewa rayîrê serkewtiş û aştî komelan akenê. Ez do zî seba komelêke serkewte û azad têkoşînê xo dewam bikerê."