Ronida Hacî 

 

TIL TEMIR - Hemsereka Kar û Barê Dînî yê Mintiqaya Cizîre Ezîza Xenafir hêrîşê dewleta tirkî yê serê Efrînî şermezar kerde û wina va: "Bi xoverdayîşê Efrînî tarîxêke newe yeno nuştiş, Kurdî zî lehengê nê tarîxî yê."

 

Hemsereka Kar û Barê Dinî yê Mintiqaya Cizîre Ezîza Xenafir hêrişê dewleta Tirkî yê serê Efrînî şermezar kerde û ard ziwan ke hêrişê serê Efrînî beno sebebê kiştişê domanan, cayê nê çî dînê muslumanî de çin o.

 

'Kerdişê dewleta trikî dûrê îslamîyetî yo'

 

Ezîza Xenafir dîyar kerde ke netîceyê hêrişan de sîvîlî yenê kiştiş û wina dewam kerde: "qirkerdiş, talan û qetilkerdişê ke serê şarê Efrînî de yenê meşnayîş goreyê îslamîyetî nîyê. Heto bîn ra kerdişê dewleta tirkî  dûrî îslamiyetî yê. Ganî ma hemverê nê kerdişê ke dûrê îslamîyetê bêveng nêmanê."

 

'Hêrişê serê Efrînê hêrişê ser ercê îslamîyetî yê'

 

Ezîza dewamê qiseykerdişê xo de wina va: "Dînê muslumantî nêvano domanan bikşê, nêvano şar qetil bikerê. La dewleta tirkî dînê îslamî goreyê berjewendîyê xo xebitnenê. Hêrişê serê Efrînî hêrişê ser ercê îslamîyetî yo. Heme dinya zî temaşe kena. Temaşekerdişê winasî goreyê îslamîyetî nîyo."

 

'Xoverdayîşê Efrînî xoverdayîşê şeref û namûsî yo'

 

Ezîza peynîya qiseykerdişê xo de wina va: "Xoverdayîşê şarê Efrînî do serkewte bo, semedo ke xoverdayîşê şeref û namûsî yo. Do tu wext dewleta tirkî serkewte nêbo."