Melîke Aydin 

 

ÎZMÎR - Psîkolog Duygu Oz dîyar kerde ke seba îstîsmaro zayendî sey nêweşî nê, sey suc bêro qebulkerdiş ganî game bêrê eştiş û wina va: "Bi taybetî zî xesênayîşê kîmyewî bi zîna dir munaqeşekerdiş zaf xeter o. Dewlete derheqê zayendî de manîpulasyonêke cidî kena."

 

Psîkolog Duygu Oz ke derheqê şîdetê serê cinîyan û domanan, travmayê xebate meşnenê. Derheqê qanûnê xesênayîşî de şîrove kerde. Duygu da zanayîş ke xeylê sazgehî û rêxistinê cinîyan verê zî fikrê xo yê derheqê xesênayîşê kîmyewî de vatibî, la nika reyna ame rojeve. Duygu wina va: "Vernê de gerek îstîsmaro zayendî suc bêro qebulkerdiş. Zaf tay îstîsmarkarê domanan pedofîlî yê. Xesênayîşê kîmyewî heto bîn ra bê waştişê kesî mudaxalekerdişê bedenê ey yo. Yew sucê tewr pîl yê merdimayî yo.

 

'Îqtîdar komelî zaf peyser fîneno'

 

Duygu dewamê qalîkerdişê xo de wina va: "Problemêke serdestîyê camêrdan û bêtêduştîya mabêna zayendan de virazêno. No perspektîfî de ganî vejyê rayîr û têduştîya zayendîyê komelî ca bîyarê. La îqtîdar verapey no komelî zaf peyser beno û seba ke îstîsmaro zayendî rewa bikero xeylê gamî eştê. Zîna bi pîyabîyayîşê di kesan ke bi waştişê xo kenê. No semed ra tu kes, dewlete zî nêeşkena mudaxeleyê nê çî bikera. Dewlete derheqê zayendî de manîpulasyonêke cidî kena."

 

Duygu peynîye qiseykerdişê xo de va ke seba vernîye sucan bêro girewtiş gerek zêde bêro qiseykerdiş û ganî perwerdeyîyê zayendî mufredatê mekteban de ca bigîrê.