STENBOL - Jin Tv 8ê Adare de dest bi weşanî keno, bi hêvî û kelecan ê. Pawitoxê heqê merdiman ê Stenbolî vatî Jin Tv hêvî ya û do vengê cinîyan xurtir bikerî.

 

Jin Tv ke do îmza bierzo serkewtişêke weşangerîyê cinî, 8ê Adare Roja Cinîyê Kedkeranê Dinya de dest bi weşan kenê. Aktîvîstê cinî yê Stenbolî mesajê piştdayîşî seba Jin Tv eşrawitî.

 

'Ganî vengê cinîyan ewnîyayîşê cîya bêro eşnawitiş'

 

Verfeka Platformê Kiştişê Cinîyan Gulsum Kav dîyar kerde ke awankerdişê televîzyonêke vengê cinîyan dano eşnawitiş, înan zaf kêfweş kerdo û wina dewam kerde: "Babeta hempar ê cinîyan esto. No semed ra bendeyê mi Jin Tv ra a ya ke vengê cinîyan bi ewnîyayîşê cîya no ekranî de bêro eşnawitiş. Tena pispor nê, ganî vengê cinîyê keye, kuçeyan, karkerê keyeyî bêrê eşnawitiş."

 

'Bi hêvî yê'

 

Endama Meclîsê Cinîyan ê Stenbolî Dîlara Gevreke zî ard ziwan ke sey her ca de Tirkîya zî çapemenî xurt bena û va akerdişê televîzyonê cinîyan bi hêvîyê û ganî  Jin Tv mabêne nêdê karê xo û ez bawer a do karê serkewte bêro akerdiş. Pawitoxê heqê cinîyan Rojda Aslane zî nê çî vatî: "Akerdişê Televîzyon çîyêke xeylê baş o. Seba cinî vengê xo bidê eşnawitiş zaf girîng o. Do vengê cinîyan bi hawayêke xurt vejyo. Ez înan rê serkewtiş wazena."

 

Meclîsê Cinîyan ê Stenbolî Aşkin Koçe da zanayîş ke do  televîzyon hêz bido têkoşînê cinîyan û va aye Jin Tv rê serkewtiş wazena.