Lîlav Elî-Cûdî Zênu

 

EFRÎN - Cinîyê Elewîyê Qezaya Mabetayî hêrişê dewleta tirkî yê Efrînî şermezar kerdî û vatî: "Dewleta tirkî do vera xoverdayîş û yewbîyayîşê şarê Kurdî de vindî bikero. Ma do bi îradeyê cinîyan hêrişê ser Efrînî wedarnê."

 

Xoverdayîşê Serdemê yê Efrînî vera hêrişê dewleta tirkî dewam keno. Têkildarê Xoverdayîşê Serdemê yê Efrînî de cinîyê Elewî qezaya Mabetayê Efrînî ardî ziwan ke ê zî hêrişê Efrînî şermezar kenê û vatî ke têkoşînê Efrînî tarîxê xoverdayîşî newe ra binusno.

 

'An serkewtiş an serkewtiş'

 

Cinîya bi nameyê Nedire Bicu hêrişê dewleta tirkî şermezar kerdî û wina va: "Bi demêke yo dewleta tirkî bi çekê xo yê giran hêrişê qezaya Mabetayî kena, netîce de xeylê sîvîlî cuya xo vinî kerdî. Erdogan wazeno bi nê hêrişê tarîxî yê Kurdan çin bikero, la qetî do no waştiş bi ca nêro. Semedo ke heme dîn û kerdişê Sûrîye de bi ruhêke têduşt pîya cuyenê. Her wext dewleta tirkî hêrişê dîn û kerdişê Elewîyan kenê. La ma sey cinîyê Elewî heta dilopêke gonî ganê ma de estbo, ma do fedayê herra pîroz bikerê û qetî îqtîdar nêeşkenê îradeyê ma bişiknê. An serkewtiş an serkewtiş."

 

'Kede û fedakarîya cinîyê Efrînî do îqtîdaran zorê înan bero'

 

Heto bîn ra Rûken Ibrahîm zî wina va: "Rojane dewleta tirkî hêrişê ser herra Efrînî kena û wazena ke îradeyê cinîyê Kurd bişiknê. La heta ke cinîya Kurd serê fikir û felsefeyê Rayber Apo meşênê. Do Erdogan nêeşko îradeyê cinîya Kurd û bi tayîbet ê cinîyê Efrînî zorê ci bero. Şarê qezaya Mabetayî do heta dilopa gonîya xo ya peynî xo ver bidê. Hêrişê dewleta tirkî her ke şino zêde beno. la pêwa heme hêrişan zî şar cuya xo dewam keno û vanê ke ma dest xoverdayîşê xo vera nêdê. Ked û fedakarîyê cinîyê Efrînî îqtîdaran bişiknê."

 

'Sîvîlî hedef yenê girewtiş'

 

Cinîya bi nameyê Xalîde Muhemede zî hêrişê dewleta tirkî yê ser Efrînî şermezar kerdî û wina va: "Dewleta tirkî bi rayîrê cîya hêrişê kenê û sîvîlan hedef gênê. Wazenê nê waştişê xo bi ca bîyarê, la wa dewleta tirkî baş bizano ke şarê Kurd qetî nînê çinkerdiş. Îqtîdarî do her wext hemverê xoverdayîşê şarê Kurd vinî bikero. Ez sey mayêke bi emrê 80 serrî seba pawitişê herra xo amadeyê û heta peynî ez do piştdayîş bidê şerwanê ke cepheyê şer de xo ver danê."