AMED - Cinîyê Kurdistanî û Tirkîya pêwa heme astengîyan startê çalakîyê 8ê Adare Roja Cinîyanê Kedkaranê Dinya dayî. Aktîvîsta TJAyî Zeynep Olbecî va ke ê astengîyan nas nêkenê û dîyar kerde ke eke teda estbê, îradeyê înan zî esto. 

 

Mîtîngê 8ê Adare Roja Cinîyanê Kedkaranê Dinya dewam kenê. Cinî pêwa heme astengîyan waran xemilnenê. Aktîvîsta TJAyî Zeynep Olbecî dîyar kerde ke teda do vernîye înan nêgîro, do wayîr qezencê xo vejyê û va 8ê Adara serra verê nimûneyêke baş o. Zeynebe dewamê qiseykerdişê xo de bale ante ser OHALî û wina va: "OHAL dewamê zîhnîyetê netew dewlete yo. Wexto ke sîstem problem cuyenê sere danê hêrişê hemver têkoşînê  cinîyan danê. Welat de hewldayîşê derbeyêke esto la 12 Êlule de zî caardişê wina giran çin bî. Derbeyê 80î hetêke pelçiqnayne. La nika her hetê komelî binê tedayan de yo."

 

Ma sere nêtewênenê

 

Zeynebe hêrişê vera Efrînî zî şîrove kerde û wina va: "Ma hêrişan qebulnêkenê. Mexdurê şer cinî û doman ê. Lazim nêbê ke Tirkîya biko kaosêke wina. Xora rayîrê çareserî estbi. Welat de prosesêke aştî ame cuyayîş. La no zîhnîyet proses sabote kerd. Şert û merc çi beno wa bibo ma do têkoşînê xo dewam bikerê. Ma qetî sere nêtewênenê."

 

Zeynebe peynîya qiseykerdişê xo de va ke qetî vatişêke her cinî vajo esto û ganî vera tedayan sereyê xo nêtewênê, wayîr qezencan bêro vetiş.