Civîn Husên

 

DIRBÊSIYÊ - Endama Komîteya Awankerdoxa Jinwarî Rûmet Hevale bi wesîleyê ameyîşê 8ê Adare dîyar kerde ke do hêvîye cinîyan geş bibo û va ke awankerdişê Jinwarî yê warê cinîyan do bibo kulturêke dinya û bibo cewabê tewr xurt yê hemverê teda û şîdetê serê cinîyan.

 

Bi wesîleyê 8ê Adare Roja Cinîyanê Kedkaranê Dinya endama Komîteya Awankerdoxa Jinwarî Rûmet Hevale dîyar kerde ke ê do bi ruhê xoverdayîşê Efrînî 8ê Adare pêşwazî bikerê û wina va: "No diyîn 8ê Adare yo ke Jinwarî yeno pîrozkerdiş. Verê ke amadekarîya bêro kerdiş heme herre û çol bi la nika xeylê averşîyayîş virazya û awankerdişê Jinwarî bi keda cinî û bi coşê 8ê Adare dewam kenê. Jinwar de diyîn 8ê Adare bi coş û şahnazîyêke pîl yeno pîrozkerdiş. Ma bi hêvîyê ke demêke nêzde do xebate awankerdişê Jinwarî peynî bibo û do rayîrê xeylê pîrozbahîyê 8ê Adare yê azad û aştîyane akero."

 

Rûmete dîyar kerde ke seba 8ê Adare amadekarîyê înan ê zaf baş estê û wina dewam kerde: "No projeyê ma yê Jinwarî do zaf vila bibo û bibo nimûne pêroyî dinya rê, ma do xeylê dewan awan bikerê ke no zî şîdet û neheqî bibê cewabê çareserî."

 

'Ma do 8ê Adare bi xoverdayîşê Efrînî tacîdar bikerê'

 

Rûmete dîyar kerde ke cinîyê 8ê Adare de hemverê heme tewirê nêheqî û şîdetî têkoşîn bikerê û wina va: "25ê Teşrîna Peyêne 2016 de reya ewil Jinwarî çalakîyêke ame viraştiş. Destpêkê awankerdişê Jinwarî de heta nika xeylê keyeyî tîya bi ca bî. Do keyeyê newe zî Jinwarî bi ca bibê. Keyeyê tîya do cuyake hempar de biciwîyê û pîya 8ê Adare pîroz bikerê. Ma do 8ê Adare bi xoverdayîşê Efrînî tacîdar bikerê."

 

'Jinwar do bi ruhê xoverdayîşê Efrînî 8ê Adare pîroz bikerê'

 

Rûmete bi nê vatişan peynî qiseykerdişê xo dewam kerde: "Seba ma heme roj 8ê Adare yê. Cinîyê ke destpêkê xoverdayîşê Efrînî têkoşîn kerdî û heta nika bi têkoşînêke bêhempa 8ê Adare xo pîroz kerdî. Roja Cinîyê Kedkaranê Dinya temamê cinîyê azadîwaşt û têkoşer rê pîroz bo. Awankerdişê Jinwarî do bibo parçeyêke xoverdayîşê Efrînî. Jinwar do bi ruhê xoverdayîşê Efrînî 8ê Adare pîroz bikero."